Vətəndaş cəmiyyəti fəalları jurnalist və hüquq müdafiəçisi P.Həşimlinin azad edilməsini tələb edirlər

Azərbaycan vətəndaş cəmiyyətinin nümayəndələrindən ibarət böyük bir qrup həbs edilmiş “Bizim yol” qəzetinin əməkdaşı, moderator.az saytının rəhbəri, AXCP üzvü, Vətəndaşların Siyasi və Mülki Hüquqlarının Müdafiəsi Mərkəzinin rəhbəri Pərviz Həşimlinin müdafiəsi üçün çıxış edib.

O, sentyabrın 17-də 206.3.2 (əvvəlcədən əlbir olmuş şəxslər tərəfindən qaçaqmalçılıq) və 228.2.1 (qanunsuz silah və döyüş sursatı saxlama, əldə etmə və satma) maddələri ilə ittiham olunaraq, həbs edilib.

Lakin vətəndaş cəmiyyəti fəallarının bəyanatında qeyd edilir ki, Həşimlinin həbsi, onun iş yerində və evində aparılan axtarışlar jurnalistin və hüquq müdafiəçisinin hüquqlarının kobud şəkildə pozulması ilə müşaiyət olunub. Ona hüquqları izah olunmayıb, vəkillə təyin edilməyib. Həşimli həbs zamanı fiziki və mənəvi həbsə məruz qalıb. 

Bundan başqa, MTN əməkdaşları evdə axtarış zamanı Həşimlinin həyat yoldaşına və azyaşlı uşağına qarşı kobud davranıblar, nəticədə onlar qorxudan stress keçirib.

Həşimlinin evində axtarılış aparılarkən onun yaxınlığında öz peşə öhdəliklərini həyata keçirən jurnalistlər də kobud davranışa məruz qalıblar.

Həşimlinin başına qara torpa keçirərək məhkəməyə aparıblar.

Məhkəmədə o, vəkilinə bildirib ki, bir sıra müxalifət liderlərinin əleyhinə ifadə verməsi məqsədilə ona təzyiq göstərilir.

Bəyanat müəllifləri Həşimliyə və onun ailə üzvlərinə qarşı qarşı törədilmiş əməlləri pisləyirlər və bunu milli və beynəlxalq qanunların pozulması kimi qiymətləndirirlər.

Onlar hesab edirlər ki, Həşimliyə qarşı irəli sürülmüş ittihamlar əsassız və siyasi motivlidir və onun peşə fəaliyyəti, vətəndaş mövqeyi ilə əlaqədardır.

Bəyanat müəllifləri Həşimlinin həbsini gənc fəallara, jurnalistlərə və müxalifətçilərə qarşı repressiyaların davamı kimi qiymətləndirirlər və hakimiyyətdən bu pis təcrübəyə son qoymağı tələb edirlər.

Sonda bəyanat müəllifləri Həşimliyə qarşı bütün ittihamları ləğv etməyi və onu azad etməyi tələb edirlər.

Bəyanatı 20-dən çox hüquq müdafiəçisi və ekspert imzalayıb.

Bundan başqa, hüquq müdafiəçisi İradə Cavadovanın rəhbərlik etdiyi İnsan Hüquqları üzrə Maarifləndirmə İctimai Birliyi də Həşimlinin həbsinə qarşı etiraz bəyanatı ilə çıxış edib.

Bu QHT Həşimlinin işində siyasi motivlər görür və ona qarşı Avropa İnsan Hüquqları Konvensiyasının müddəalarının, xüsusən işgəncələri, qeyri-insani və ləyaqəti alçaldan digər davranış növlərini qadağan edən 3-cü maddəsinin pozulduğunu hesab edir. -06D-