Bakı/10.06.20/Turan: İyunun 9-da Azərbaycan Demokratiya və Rifah (ADR) Hərəkatı "Artan polis zorakılığının hüquqi aspektləri" mövzusunda videokonfrans təşkil edib.
Söhbətdə Turan İnformasiya Agentliyinin direktoru Mehman Əliyev, "Demokratiya Monitoru" təşkilatının rəhbəri Fuad Həsənov, hüquqşünaslar Əsabəli Mustafayev, Fuad Ağayev və Xalid Bağırov, hüquq professoru Fərhad Mehdiyev, hüquq müdafiəçiləri Mirvari Qəhrəmanlı, Arzu Abdullayeva, Əlövsət Sadıqlı və Rəsul Cəfərov, "Kanal 13"ün rəhbəri Anar Orucov, Gənc Liderlər Təlim, Təhsil və İnkişaf Birliyinin sədri Səbinə Ələkbərova, Demokratik Təsisatlar və İnsan Haqları Mərkəzinin direktoru Elçin Abdullayev, ictimai xadim Bəxtiyar Hacıyev, Hüquq Təşəbbüsləri Mərkəzinin sədri Ziya Quliyev iştirak ediblər.
Videokonfrans iştirakçıları vəziyyəti dəyərləndirərək, polisin Konstitusiyaya zidd hərəkətlərini tənqid ediblər və onların davranışlarını pisləyiblər.
Mövcud vəziyyətin qiymətləndirilməsi üçün hüquqi sənəd hazırlamaq, zorakılıq faktı ilə bağlı cinayət işi açılması çağırışı ilə Baş Prokurorluğa müraciət etmək qərara alınıb. Daxili işlər nazirinə hadisəyə görə xalqdan üzr istəmək çağırışı səslənib.
Onlayn müraciət hazırlamaq və müdafiə kampaniyası təşkil etmək təklifləri səslənib. -0-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz