Martın 10-da Hərbi Məhkəmədə Azərbaycan HHQ-nin keçmiş komandanı, vitse-admiral Şahin Sultanovun işi üzrə prosesdə o, son sözlə çıxış edib. Sultanov məhkəmədən ona bəraət verilməsini xahiş edib.
Sultanov 2014-cü ilin aprelində həbs olunub. Ona qarşı CM-in 313 (vəzifə saxtakarlığı) və 179.3.2-ci (böyük ölçüdə mənimsəmə və ya israf) maddələri ilə ittiham irəli sürülüb. Elə həmin ilin dekabrında onu ev dustaqlığına buraxıblar.
Bakının Nəsimi rayon məhkəməsinin binasında iki ildir davam edən məhkəmə prosesində martın 10-da Sultanov son sözlə çıxış edib.
Sultanovun vəkilləri Telman Abdıyev və Emil Bədəlovun mətbuat üçün yaydıqları məlumatda deyilir ki, "son məhkəmə iclasında Şahin Sultanov iki ildən artıq davam edən məhkəmə istintaqı zamanı cinayət işinin saxtalaşdırıldığını, ittihamın əsassız olduğunu bildirərək, məhkəmədən bəraət istəyib".
Sultanov qeyd edib ki, "Ali Baş komandana, dövlətinə və dövlətçiliyə həmişə sadiq olub və məhkəmə zamanı əldə olunan nəticələr bunu yenə də sübut edir".
Sultanov həmçinin bildirib ki, 2013-cü ildə Hərbi Dəniz Qüvvələrində yoxlama aparan Hərbi Prokurorun müavini general-mayor Rasim Kazımovun rəhbərlik etdiyi yoxlama komissiyası və istintaqı aparan Hərbi Prokurorun digər müavini general-mayor Şəfaət İmranovun bilavasitə tapşırığı ilə istintaq qrupunun üzvləri "yoxlama və istintaqın nəticələrini saxtalaşdırıblar".
Vitse-admiral məhkəmədən "yuxarıda adları qeyd olunan şəxslərin əməlində cinayət tərkibi olduğu məhkəmə istintaqı zamanı tam sübuta yetirildiyindən bu şəxslərə qarşı xüsusi qərardad qəbul olunmasını və araşdırma aparılması məqsədilə Azərbaycan Respublikası Baş Prokurorluğuna göndərilməsini" xahiş edib.
Vitse-admiral həmçinin müstəntiqləri dindirilən şəxslərdən dövlətə vurulan ziyanın ödənilməsi adı altında yığılan vəsaitləri mənimsəməkdə ittiham edib və məhkəməyə bu şəxslərin də barəsində xüsusi qərardad qəbul edilərək, araşdırılma aparılması üçün Azərbaycan Respublikası Baş Prokurorluğuna göndərilməsi ilə bağlı müraciət edib.
Hökmün martın 17-də elan olunacağı gözlənilir. -0-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz