“Vətən Naminə” Xalq Hərəkatı Birliyi (VNXHB) Konstitusiyaya dəyişikliklərlə və xüsusilə birinci vitse-prezident postu yaradılması ilə bağlı bəyanat yayıb.
Müəlliflərə görə, bu dəyişikliklərlə ölkə yeni tarixi dönəmə qədəm qoyub. Sənəddə Konstitusiyaya dəyişikliklər və pespektivi belə dəyərləndirilir: “Referendum vaxtında, ölkənin sosial-iqtisadi, siyasi vəziyyətin daha da möhkəmləndirilməsi baxımından lazımlı prosesdir”.
Müəlliflər birinci vitse-prezident və vitse-prezident institutunun yaradılmasını önəmli sayırlar: “Bu post indiki dönəmdə ölkədəki mövcud sosial-iqtisadi problemlərin, gələcəkdə isə ehtimal edilən daxili və xarici problemlərin operativ aradan qaldırılması yönündə vacib postdur”.
Hərəkat bu posta öz namizədini gördüyünü də deyir: “Bu, Azərbaycan xalqının sevimli övladı, birinci xanım Mehriban Əliyevadır”.
Müəlliflərə görə, M.Əliyeva öz siyasi təcrübəsi, təşkilatçılıq qabiliyyətilə insanların hörmətini qazanıb. Müəlliflərin fikrincə, M.Əliyeva birinci vitse-prezident olarsa, ölkənin bir çox problemləri həllini tapar: “Qısa müddətə Qarabağ problemi də həll edilər, Azərbaycan dünya ölkələri arasında mövqeyini daha da möhkəmləndirər, milli barışıq əldə olunar, çünki, xalq M.Əliyevaya inanır və onun fəlaiyyətini dəstəkləyir”.
Xatırladaq ki, Hərəkatın rəhbəri XX əsrin 80-ci illərinin sonlarında “Tövbə” Cəmiyyətini yaratmış, Bakıdakı “İmam Hüseyn” məscidi icmasının rəhbəri Hacı Əbdül Əbdülovdur.
Bu, Mehriban Əliyevanın dövlət iyerarxiyasının ilk mərtəbələrinə irəli sürülməsi üzrə ikinci təşəbbüsdür.
2013-cü ilin avqustunda prezident seçkiləri ərəfəsində bir ay əvvəl yaradılmış “Vətən naminə xalq birliyi” hərəkatı prezidentliyə namizəd kimi Azərbaycan prezidentinin həyat yoldaşı, deputat Mehriban Əliyevanı irəli sürdüyünü bildirmişdi. Amma birinci ledi seçkilərə getmədi, Hərəkat isə qaranlığa qarışdı.
2013-cü ilin iyununda yeni yaranmış, özünü Demokratik Azərbaycan Dünyası partiyası adlandıran qrup da M.Əliyevanın namizədliyini irəli sürmüşdü. Amma bu ideya hakim Yeni Azərbaycan Partiyasında çox pis qarşılanıb və təxribat kimi qiymətləndirilib. Bu ideyanı irəli sürən fəalar sonradan təzyiqə məruz qalıblar və fəaliyyəti dayandırıblar.-05D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz