XİN REAL hərəkatının müraciətinə məhəl qoymur

REAL hərəkatı  AŞPA-da Azərbaycan nümayəndə heyətinin rəhbəri Səməd Seyidovun bəyanatı ilə  bağlı Azərbaycanın xarici işlər naziri Elmar Məmmədyarova sorğu göndərib. Belə ki, S.Seyidov deyib ki, hər hansı qurum, o cümlədən Avropa Şurası insan haqları məsələsini təzyiq vasitəsinə çevirməməlidir.

Bu bəyanat dekabrın 4-də AŞ Nazirlər Kabinetnin REAL hərəkatının lideri İlqar Məmmədovun dərhal azadlığa buraxılmasının vacibliyi barədə çağırışından sonra səslənib.

REAL-ın müraciətində belə bir məsələ qoyulur: “Səməd Seyidovun dedikləri 
Azərbaycan dövlətinin rəsmi mövqeyini ifadə edir, yoxsa yox”. 

REAL hərəkatının icraçı katibi Natiq Cəfərli Turan-a bildirib ki, XİN-dən cavab almaq mümkün olmayıb.

Xatırladaq ki, İ.Məmmədov  23-24 yanvar 2013-cü il İsmayıllı iğtişaşları ilə əlaqədar 7 il müddətinə azadlıqdan məhrum edilib.

  2014-cü il mayın 22-də Avropa İnsan Hüquqları Məhkəməsi İ.Məmmədovun həbsi ilə bağlı şikayət üzrə qərarını elan edib. Avropa Məhkəməsi İ. Məmmədovun işində Avropa İnsan Haqları Konvensiyanın azadlıq hüququ, təqsirsizlik prezumpsiyasi və hüquqlarla bağlı məhdudiyyətlərdən istifadənin hədləri maddələrinin pozulmasını tanıyıb. Hökumət İ.Məmmədova eyni zamanda 22 000 avro kompensasiya ödəməlidir.

  Amnesty İnternational İlqar Məmmədovu “vicdan məhbusu” elan edib.-16D