![Yol polisini ələ salan reper həbs edilib (Video)](https://turan.az/resized/750/500/resize/media/2013/main/030100030355.jpg)
Yol polisini ələ salan reper həbs edilib (Video)
Dado ləqəbi ilə məşğul olan Səid Əliyev polisə tabe olmamaq ittihamı ilə 10 günlük həbs cəzası alıb.
Reperin qardaşı Əlinin Turan-a verdiyi məlumata görə, fevralın 27-də o, hansısa YNH ilə əlaqədar avtomobilinin ekspertizasının küçirilməsi üçün Nəsimi rayon yol polisi idarəsinə çağırılıb.
Ekspertizadan sonra ona maşınının YNH-də iştirak etmədiyi bildirilib, amma müayinə nəticələrinin yazılı olaraq rəsmiləşdirilməsi üçün polis şöbəsinə getməli olduğu bildirilib.
“Səid binaya daxil olduqda mülki geyimli şəxs çiyni ilə kobud şəkildə ona toxunub. Dado kiminsə onunla zarafat etdiyini düşünüb. Lakin bu şəxs Səidi kobudluqda ittiham edib. Bir neçə nəfər dərhal onu saxlayaraq maşına mindirib və naməlum istiqamətə aparıb”, deyə reperin qardaşı bildirib.
Doğmalarına onun saxlanılması barədə məlumat verilməyib. Sonradan onlar öyrəniblər ki, Dado Nəsimi rayon 21-ci polis bölməsinə, oradan isə məhkəməyə aparılıb və 10 gün müddətinə həbs edilib.
Sonradan o, qardaşına zəng edib və Youtube-dan onun yol polisi haqqında “YPX” klipini yığışdırmasını söyləyib, əks halda 10 gün sonra ona qarşı cinayət işi açılacaq.
Bu gün qardaşı Binəqədi rayon təcridxanasında Dadoya baş çəkib. O, saxlanma şəraitindən şikayət etməyib, amma Nəsimi polisində kliplə əlaqədar onu təhqir etdiklərini və hədələdiklərini bildirib.
Qohumları bildiriblər ki, apellyasiya şikayəti veriləcək. Bundan başqa, reperin ailəsi prezident İ.Əliyevə, baş prokurora və DİN rəhbərinə şikayət edəcək.
Klipə gəlincə, Əli Əliyev bildirib ki, o, artıq İnternetdə yayılıb və artıq onu yığışdırmaq olmaz.
“Digər tərəfdən, niyə klipi yığışdıraq? Bu, yaradıcılıq azadlığıdır. Burada qanunazidd bir şey olsaydı, Dadonu rəsmi olaraq ittiham edərdilər”, deyə Ə.Əliyev bildirib. O, həmçinin reperin vəkilsiz mühakimə edildiyini və dindirildiyini bildirib.
Qeyd edək ki, klipdə yol hərəkəti qaydalarını tez-tez pozan yol polisinin rüşvətxorluğu tənqid olunur.
“Art for Demokracy” hüquq-müdafiə kampaniyasının koordinatoru Rəsul Cəfərov reper Dadonun həbsini pisləyib və bunu yaradıcılıq və ifadə azadlığının pozulması kimi qiymətləndirib. -06B-
-
- İqtisadiyyat
- 1 Mart 2013 17:13
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz