Allah hamınızdan razı olsun!

Əziz dostlar!

Mənim məhkəmə zalında həbs edildiyim gün Bəxtiyarın bu məktubu yazmasından 107 gün, azadlığa çıxmağımdan isə 12 gün keçir...

 Xahiş edirəm, 12 gündür azadlıqda olsam da sizə yalnız indi yazmağımı üzrlü hesab edərsiniz.

İlk həftədə ümumiyyətlə kompüterə yaxın düşə bilməmişəm – sonrakı günlərdə isə imkan tapan kimi İnternet vasitəsi ilə

iyulun 14-dən bəri baş verənləri (o cümlədən mənimlə bağlı) gözdən keçirməyə və fb-da yazılanlara çox qısa şərhlər yazmağa macal tapmışam.

Elektron poçtuma yalnız bu gün baxmağa başlamışam və poçtumdan yazdığım ilk mesaj bu məktubdur.

 Mənim üzləşdiyim bu ağır problemin ilk günlərindən başlayaraq azadlığa çıxdığım günədək mənim bu azadlığa qovuşmağım

üçün etdiyiniz hər bir cəhdiniz, dualarınız, xoş arzularınız mənim üçün sözlə ifadə edə bilməyəcəyim dərəcədə qiymətlidir!

 Allah hamınızdan razı olsun!

Hamınızı birlikdə və hər birinizi ayrılıqda bağrıma basıb minnətdarlığımı bildirirəm.

Haqsız olaraq həbsdə olan bütün dostlarımızın azadlığa çıxması üçün atılacaq hər bir addımda sizinlə birgə olacağam.  

 Əminəm ki, və Allaha şükür edirəm ki, hər birinizlə üz-üzə gələndə bir-birimizin üzünə dik və alnıaçıq baxa biləcəyik.

Görüşərkən canlı olaraq sizin hər birinizə minnətdarlığımı bildirmək məni daha çox xoşbəxt edəcəkdir.

 Hörmətlə, Həsən