Sentyabrın 2-də Amerika Azərbaycanlıları Demokratiya Uğrunda (AZAD) təşkilatı azərbaycanlı zabit Ramil Səforovun məsələsi ilə bağlı ABŞ dövlət katibinə açıq məktub göndərib.
Elmar Şahtaxtinskinin imzaladığı məktubda deyilir ki, avqustun 31-də ABŞ Dövlət Departamenti bəyanatla çıxış edərək “Azərbaycan prezidentinin Budapeştdə NATO tədbirində Azərbaycan bayrağını təhqir etdiyinə görə erməni zabit Qurgen Markaryanı qətlə yetirən azərbaycanlı zabit Ramil Səfərovu əfv etməsindən narahatlığını” ifadə edib.
ABŞ-ın Səfərovun verilməsi ilə bağlı Azərbaycandan “izahat”, Macarıstandan isə “daha ətraflı məlumat” gözləməsi barədə Dövlət Departamentinin kəskin bəyanatı müraciət müəlliflərində təəccüb doğurur. Belə ki, qeyd olunur ki, Azərbaycan hökuməti ölkənin yüz minlərlə vətəndaşının hüquqlarını pozur, onlarla adam hücumlara, həbs və işgəncələrə məruz qalır və bütün bunlar diqqətdən kənarda qalır.
Bununla belə, Dövlət Departamenti buna reaksiya vermir və görünür, Azərbaycan xalqının hüquq və azadlığına görə narahat olmur, ilk növbədə erməni lobbisinin ABŞ-ın xarici siyasətinə təsiri barədə düşünür.
Azərbaycanlı hərbçi Ramil Səfərovun əfv olunmasının aktuallığını və Dövlət Departamentinin buna verdiyi önəmi başa düşmək çətindir. Mühakimə olunmuş xarici vətəndaşların öz vətənlərinə (burada onlar yumşaq cəza ala və əfv oluna bilər) ekstradisiyası praktikası qeyri-adi deyil. Fransada Turkish Airlines şirkətinin ofisinə hücum etdiyinə və dinc sakinləri qətlə yetirdiyinə görə mühakimə olunan erməni terrorçu Varujan Qarabedyanla bağlı hadisəni yada salmaq olar. Nəticədə o da azad edilərək Ermənistana ekstradisiya olunmuşdu. Qarabedyan Ermənistan prezidenti tərəfindən milli qəhrəman kimi qarşılandı və ona polkovnik rütbəsi verildi. Ermənistanın indiki müdafiə naziri 1992-ci ildə Xocalı şəhərində dinc azərbaycanlı əhaliyə tutulmuş divanın iştirakçısıdır.
Çox təəssüf ki, Dövlət Departamenti azərbaycanlı əhalini qovaraq Azərbaycanın 20%-ni işğal etmiş Ermənistanın halına yanır.
Yaxşı olardı ki, ABŞ administrasiyası Azərbaycanda seçkilərin saxtalaşdırılmasına, dinc nümayişçilərə qarşı amansız hücumlara, həbslərə, işgəncələrə, jurnalistlərin, dissidentlərin və vətəndaş fəallarının döyülməsinə və öldürülməsinə analoji reaksiya verəydi.
“Biz 2003-cü ilin oktyabrında Bakı küçələrində seçkilərin kütləvi saxtalaşdırılmasına etiraz aksiyalarının boğulduğu bir vaxtda dövlət katibinin müavini Riçard Armiticin “seçkilərdə qələbə” münasibətilə ABŞ hökuməti adından təbrikini xatırlamaya bilmərik.
Uzağı görməyən siyasət erməni lobbisini müvəqqəti olaraq sakitləşdirə bilər, lakin bu, ABŞ-ın Azərbaycanda və ümumilikdə regionda milli maraqlarına xidmət etmir, bu ölkədə demokratik inkişafa, Azərbaycan xalqının gözündə ABŞ-ın reputasiyasına zərbə vurur və Qarabağ probleminin həllini daha da çətinləşdirir”, - müraciətdə deyilir . -02D-
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz