Rəsmi Bakı azərbaycanlı zabit Ramil Səfərovun azadlığa buraxılması ilə bağlı Ermənistan rəhbərliyinin antiazərbaycan isteriyasını “zəifliyin və gücsüzlüyün təzahürü” kimi qiymətləndirib.
Ermənistan prezidenti Serj Sarkisyanın Azərbaycanın ünvanına söylədiyi son fikirləri şərh edən Prezident Administrasiyasının siyasi təhlil və informasiya təminatı şöbəsinin müdiri Elnur Aslanlı qeyd edib ki, Ermənistan başçısı “sivil siyasətçi maskasını çıxardı və əsl cəlladın iç üçünü ortaya qoydu”.
Belə ki, Sarkisyanın nitqi Azərbaycanın ünvanına bu kimi açıq hədələrlə dolu olub: “qoy, onda özlərindən küssünlər”, “biz onsuz da bunu vaxtaşırı olaraq edirik. Lazım gəlsə, yenə də edərik”.
Ermənistan prezidentinin 2012-ci il sentyabrın 2-də işlətdiyi bu sözlər eynilə olduğu kimi, 2000-ci il dekabrın 15-də müdafiə naziri olan Serj Sarkisyanın Xocalıda baş verən qətliamın səbəbləri ilə bağlı səsləndirdiyi bəyanatı əks etdirir: “Xocalıya qədər azərbaycanlılar elə bilirdilər ki, bizimlə zarafat etmək olar, onlar elə fikirləşirdilər ki, ermənilər dinc əhaliyə əl qaldıra bilməzlər. Biz bu stereotipi məhv etməyi bacardıq”. (T.De Vaala müsahibədən, “Qara bağ” kitabına daxil olub).
“XXI əsrdə dövlət başçısından belə qana susamış hədələr və dözümsüzlüyə çağıran bəyanatlar eşitmək olduqca qəribədir. Lakin onu da yaddan çıxarmaq lazım deyil ki, müasir Ermənistanda mühüm vəzifə tutmağın ən qısa yolu əllərini qadınların və uşaqların qanına batırmaqdan keçir- söhbət həm prezident Serj Sarkisyandan, həm də məsələn, Ermənistanın müdafiə naziri Seyran Ohanyanın qismində ölkədə hakim olan cinayət klanının bəslədiyi mənfur şəxslərdən gedir”, - E.Aslanov bildirib.
“Azərbaycan bu nasist ideologiyasının bütün mahiyyətini hamıdan yaxşı başa düşür. Çünki hələ 2003-cü ildə prezident Robert Köçəryan “erməni və azərbaycanlıların genetik olaraq bir araya sığışmadığı” ifadəsi ilə çıxış etmişdi”.
“Serj Sarkisyanı Azərbaycanın ünvanına boş ifadələr səsləndirməyə təhrik edən zəiflik və acizlik hissləridir”, - E.Aslanov vurğulayıb. –06D-
Siyasət
-
Yanvarın 6-da Fransa prezidenti Emmanuel Makron səfirlərin konfransında çıxış edərək, Rusiyanın Ermənistanla «müttəfiqlik münasibətlərini dəyişdiyini» və «Dağlıq Qarabağda Azərbaycanı dəstəklədiyini» bildirib.
-
Bu gün Bakı Ağır Cinayətlər Məhkəməsində ictimai fəal Nicat İbrahimin cinayət işi üzrə məhkəmənin hazırlıq iclası başlayıb.
-
Həbsdə olan hüquq müdafiəçisi Rüfət Səfərovun anası Tahirə Tahirqızı yanvarın 6-da şahid qismində ifadə vermək üçün Bakı Şəhər Baş Polis İdarəsinə istintaqa çağırılıb. Ancaq o, ifadə verməkdən imtina edib. Bu barədə Turan-a Tahirqızı özü bildirib.
-
Yanvarın 29-da keçiriləcək bələdiyyə seçkilərində 16 min 174 namizəd qeydiyyata alınıb. Bu barədə Mərkəzi Seçki Komissiyasının sədri Məzahir Pənahov bugünkü iclasda bildirib.
Rəy yaz