![Bəyanatın səbəbi bəlli oldu: Emin Millinin əmisi oğlu həbs edilibmiş](https://turan.az/resized/750/500/resize/media/2015/main/080200124918.jpg)
- Söz istəyirəm
- 2 Avqust 2015, 14:59
- 54
Bəyanatın səbəbi bəlli oldu: Emin Millinin əmisi oğlu həbs edilibmiş
Emin Milli İlham Əliyevə və Ramiz Mehdiyevə təşəkkür etdi
"İndi öyrəndim ki, bir neçə gün qabaq mənim əmim oğlu Polad Abdullayev həbs edilibmiş. Qohumlarımın bəyanatı onu azad etdirmək üçün məcburi atılan bir addım idi. Polad indi azad olunub. Qohumlarıma qarşı kütləvi repressiyaların tətbiq olunması davam edir. Bir çoxu bu barədə danışmaq belə istəmir".
Bu sözləri Meydan TV-nin rəhbəri Emin Milli öz Facebook hesabında yazıb. "Qohumlar məcburi şəkildə Prezidentə məktub yazdığlarını inkar edirlər və öz xoşları ilə Prezidenti dəstəklədiklərini deyirlər. Əcəb edirlər. Qınamıram. Başqa qohumlar da məndən imtina eləsinlər. İncimərəm. Amma mən heç bir halda öz yolumdan dönən deyiləm. Mənim yolum haqq yoludur və bu yolu da mən sona qədər gedəcəm. Bunu hər kəs bilsin və öz qərarını indidən versin" - deyə Emin Milli qeyd edib.
Meydan TV-nin direktoru daha sonra baş verənləri tarixi hadisələrlə müqayisə edib: "Tarixdə bir çox diktatorlar edam edilməmişdən və ya həbs edilməmişdən qabaq onu tənqid edənlərin qohumlarına qarşı belə davranıblar, amma sonda xeyiri olmayıb. Bu repressiyalar da tarixin qabağını ala bilməyəcək. Əliyevlər Azərbaycan xalqına qarşı terror etdiklərinə görə məhkəmə qarşısında cavab verməli olacaqlar.
Hakimiyyət azad sözdən və onun yayılmasından indi çox qorxur. Onların iqtisadi və siyasi fiaskosu da yaxınlaşır. Neftin qiyməti düşüb. Neftin istehsalatı düşür. Xarici valyuta rezervləri azalır. Manatın növbəti devalvasiyasına hazırlaşırlar və insanların gözlərini etiraz etməkdən qorxutmaq istəyirlər. Meydan TV kimi azad medianın genişlənməsi və güclənməsi onlar üçün belə bir məqamda çox təhlükəlidir.
Hakimiyyər haqlıdır. Təhlükələr var. Hədəfləri də düz seçiblər. Amma mənim kimi hədəfləri vurduğca zəifləyəcəklər və daha çox insanı söz azadlığı uğrunda mübarizəyə qoşulmağa vadar edəcəklər. Son iki gündə yüzlərlə insan mənə və Meydan Tv-yə dəstək olacağlarını bildirdilər. Gücləndik. Buna görə də şəxsən İlham Əiyevə və Ramiz Mehdiyevə təşəkkür edirəm.
-
- İqtisadiyyat
- 2 Avqust 2015 14:02
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz