Bir daha "Sonsuz dəhliz" filmi ilə bağlı qalmaqal haqqında

CBC telekanalı fevralın 25-də "Sonsuz dəhliz" sənədli filmi ilə bağlı məsələyə "aydınlıq" gətirib.

Telekanal Turan agentliyinin telekanalın bu məsələ ilə bağlı fikrini öyrənməməsindən gileylənir və hətta agentliyi yalan xəbərlər nəşr etməkdə ittiham edir.

Bununla əlaqədar telekanal rəhbərliyinə bəzi şeyləri xatırlatmaq istərdik:

Film kanalın proqramına fevralın 23-də yaşanmış qalmaqaldan sonra salınıb. Buna qədər kanal nümayəndəsi TEAS pressə (tərəfdaş təşkilat) bildirib ki, qeyd edilən "nöqsanlar" düzəldilmədən film nümayiş oluna bilməz. Bu zaman qeyd edilib ki, bu, kanalın Rus redaksiyasının mövqeyidir (?)

Telekanal öz bəyanatında iddia edir ki, problem bir neçə kadrda siqaret olması ilə əlaqədar yaranıb və guya yaranmış vəziyyətə yalnız bu səbəb olub.

Amma kanal nümayəndəsinin fevralın 21-də göndərdiyi elektron məktubda 13 bənd göstərilib ki, onların bir hissəsi siyasi xarakter daşıyır. Siqaretdən yalnız iki bənddə söhbət gedir.

CBC-nin cavabında filmin məzmunu və onun qəhrəmanlarının replikaları ilə bağlı açıq-aşkar iradlar var. Telekanalın 366-cı alayın filmdə rus alayı (!) kimi göstərilməsi haqqında qeydi xüsusilə diqqətəlayiqdir. Ona baxmayarag ki, bunu Rusiyalı publisist Yuri Pompeev deyir, və məsuliyyəti Boris Yeltsinin şəxsində keçmiş RF rəhbərliyinin üzərinə qoyur.

Qalan qeydlər senzura xarakteri daşıyır və televiziya tamaşaçılarının "əxlaqının və sağlamlığının" qorunması ilə heç bir əlaqəsi yoxdur.

Bütün bu məqamlar telekanalla elektron yazışmada var, lakin CBC rəhbərliyi onlar barədə heç nə demir.

Kanal rəhbərliyi əvvəlcədən siqaretin nümayişini ciddi problem hesab etsəydi, asanlıqla onun üstünü örtə bilərdi. Amma filmlə bağlı kanalın iradlararı başqa xarakter daşıyır və bunu təkzib etmək qeyri-mümkündür.

Və son olaraq, CBC rəhbərliyi məsuliyyəti öz əməkdaşının üzərinə qoymağa çalışmasaydı, Xocalı faciəsi kimi mühüm mövzuya məsuliyyətli yanaşsaydı, qalmaqal yaranmazdı.

Şübhəsi olanlar üçün telekanalın filmi nümayiş etdirmək xahişinə 21 fevral tarixli cavabını təkrarən dərc edirik. İradların son bəndi xüsusilə diqqətəlayiqdir.

"04:50 Kadrda siqaret.

09:20 Levon Melik-Şahnazaryan erməniləri Azərbaycanlılar tərəfindən törədilmiş qırğının və "1915-ci il soyqırımının" qurbanları kimi qələmə verməyə çalışır.

17:00 Levon Melik-Şahnazaryan Xocalını müdafiə edən Azərbaycan qüvvələrini "banda dəstələri", şəhərin ələ keçirilməsini isə "Xocalının quldur dəstələrindən azad edilməsi əməliyyatı" adlandırır.

28:55 "Bu, ARTIQ RUSİYA ALAYI İDİ", Yuri Pompeev 366-cı motoatıcı alay haqqında belə deyir.

30:20 Yuri Pompeev 366-cı alayın əməllərinə görə məsuliyyəti Boris Yeltsinin üzərinə atır.

33:38 Titrdə "ix" (onları) yerinə "iz" (-dan, -dən) şəklində yazı səhvi.

37:50 Çox xoşagəlməz məqam. Xocalı qaçqınının pulu haraya gizlətdiyi müzakirə olunur. Qadın utanır,cavab vermək istəmir, rus jurnalist israr edir. Məlum olur ki, lifçiyinə gizlədib. Bütün bu dialoq çox uzun çəkir və filmin dramatik ahəngini pozur.

40:26 Arkadi Ter-Tadevosan deyir ki, Xocalı sakinlərini səhvən azərbaycanlılar güllələyiblər, sonradan təqsiri ermənilərin üzərinə atıblar.

42:26 Allahverdi Bağırov titrdə "Ağdam SİLAHLI QÜVVƏLƏRİNİN komandanı" kimi təqdim edilib. Qəribə ifadədir.

42:59 Vitali Balasanyan titrdə "Əskəran SİLAHLI QÜVVƏLƏRİNİN komandanı" kimi təqdim edilib, bir halda ki, o, erməni quldur birləşmələrinin Əskəran dəstəsinin komandiri kimi təqdim edilməli idi.

45:22 Armen İsaqulov titrdə "Dağlıq Qarabağ Dİİ-nin rəisi" kimi təqdim edilib. DQMV deyil, məhz Dağlıq Qarabağ.

47:08 Yenə kadrda siqaret. Bu arada, fraqment çox önəmlidir, belə ki, erməni hüquq müdafiəçisi Xocalı hadisələrini bəşəriyyətə qarşı törədilmiş cinayət adlandırır.

P.S. Aydın məsələdir ki, Melik Şahnazaryanın və Ter-Tadevosyanın üçüncü ölkədən olan müəllifin filmində iştirakı onun hər iki münaqişə tərəfinə tribun vermək cəhdi ilə şərtlənib, amma bunun bəzi tamaşaçılarda ikili təəssürat buraxa biləcəyi ehtimalı var".