Gözün aydın, millət, Avropa Oyunlarından sonraya vəd olunan sürprizin biri də gəldi. Bu sürprizin aztəminatlı ailələrin kredit ödənişlərinə güzəştlərlə bağlı olmadığını artıq bilirsiniz. Bəs sizcə, bu sürpriz nə ola bilər?
Bəziləriniz düşünə bilər ki, yəqin bütün günü televiziyalardan “neft kapitalının insan kapitalına çevrilməsi”ndən danışan hökumətimizin ürəyi yumşalıb, pulsuz ali təhsilin artıq xeyli dərəcədə ləğv olunmasının, tələbələrin 60 faizə yaxınının ödənişlə oxumasının ailələrə dəhşətli yük olduğunu anlayıb. Avropa Oyunlarına milyardlar xərcləyənlər 100-150 milyon xərcləməklə 60 min nəfərə qədər pullu təhsil alan tələbənin ödənişlərini ləğv edir. Təəssüf ki, gümanınız yanlışdır, sürpriz bu deyil.
Başqa bir qrupunuz fikirləşirsə ki, devalvasiyadan sonra pensiyaların, təqaüd və müavinətlərin real alıcılıq qabiliyyətini itirməsindən hökumət narahat olub və ona görə də pensiya, təqaüd və müavinətləri sürpriz olaraq artırmaq qərarına gəlib, onlar da yanılırlar.
Daha optimist gənclər ola bilsin, ümid edirmiş ki, hökumət gənclərə qayğı adı ilə adi bir idman oyununa 8 milyard xərclədisə, yəqin oyundan sonra gənclərin ev almasını asanlaşdırmaq üçün ipoteka fonduna da bir neçə yüz milyon manat pul keçirər, bu da olar gənclərə sürpriz. Təəssüf ki, bu da deyil.
Heç şübhəsiz ki, bir qrupunuz da düşünüb ki, hökumətin 13500 şəhid ailəsinin hər birinə verməli olduğu 11 min manat “qan pulunu” vermədən, Qarabağ qazilərinə yetərli müavinat ayırmadan, erməniləri Bakıda ağırlaması, onların bayrağını Bakıda dalğalandırması hakimiyyəti çox gözdən salıb, apardıqları boğazdan yuxarı Qarabağ təbliğatının saxtalığını ifşa edib. Ona görə də hökumət imicinə dəymiş bu zədələri bir az düzəltmək üçün jest edib, şəhid ailələrinin “qan pulu”nu ödəyəcək, Qarabağ qazilərinin müalicəsi üçün fond yaradacq. Nə çətindir ki? Avropa Oyunlarının bircə bağlanış mərasiminin puluna bu vətən fədailərinin bütün problemlərini həll etmək olar. Bu da olar şəhid ailələrinə, qazilərimizə və bütövlükdə cəmiyyətimizə edilən sürpriz. Təəssüf ki, bu da deyil.
Sürpriz odur ki, cəmisi 20 il əvvəl Mərkəzi Banka şəhərin mərkəzində müasir, dəbdəbəli, bahalı ofis tikmiş hökumətimiz düşünüb ki, bizim kimi “varlı” ölkənin Mərkəzi Bankına bu bina artıq layiq deyil. Mərkəzi Banka 141 metr hündürlükdə, 100 milyonlarla manata başa gələcək yeni bina tikirlər. Başbilənlərimiz düşünüb ki, hər necə olsa, xalqımız dözümlüdür, öz problemlərini özü həll edər, edə bilməsə də gedib özünü asar. Əsas odur ki, bizim Mərkəzi Bankın binası başqa ölkələrin Mərkəzi Banklarının binasından hündür olsun. Sürpriz oldumu?
-
- İqtisadiyyat Göstəriciləri
- 11 İyul 2015 14:52
-
- Siyasət
- 11 İyul 2015 15:19
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz