- Söz istəyirəm
- 15 Sentyabr 2015, 15:22
- 58
Bu gün Bakının qurtuluşu günüdür
Dostlar! Bu gün Bakının qurtuluşu günüdür. Məhz, 1918-ci ilin sentyabr ayının 15-də Nuru Paşanın komandanlığı altında Qafqaz İslam ordusu Bakını azad etdi. Niyə məhz sentyabrın 15-də? 1918-ci ilin sentyabr ayının 15-i Qurban bayramı günü idi. Osmanlı imperiyasının Hərbi naziri Ənvər paşanın Qafqaz İslam Ordusu komandanlığına göndərdiyi təlimatda göstərilirdi ki, Bakı həmin gün azad edilməli və müsəlmanlar müqəddəs Qurban bayramını öz doğma şəhərlərində qeyd etməlidirlər. Belə də oldu. Həmin vaxt İstanbulda olan Rəsulzadə öz xatirələrində yazırdı. Ənvər paşa telefon açıb dedi ki, Emin bəy gözün aydın Bakı azad olundu. Həmin gün İstanbulda imkanlı adamlar Qurban bayramı ilə yanaşı Bakının qurtuluşu şərəfinə də qurbanlar kəsdilər. Bakı əməliyyatına rəhbərlik etmiş Mürsəl Paşa ömrünün bütün qalan hissəsini Mürsəl Bakü Paşa adı ilə yaşadı. Azərbaycan xalqının taleyində və tarixində önəmli yer tutan bu hadisəni millət heç vaxt unutmadı və bu gün də unutmur. Qafqaz İslam Ordusunun 15 sentyabr xilaskarlığı milli yaddaşa hopan bir hadisə idi. O, hadisədən sonra Bakıda, Gəncədə, Şamaxıda doğulan oğlan uşaqlarına Ənvər adı vermək dəbdə idi. Bu ehtiram şübhəsiz ki, Bakının yadellilərdən azad edilməsində göstərdiyi xidmətə, rola görə Ənvər paşaya minnətdarlıq əlaməti idi. Sonralar 1920-ci ilin sentyabrında, Bakının qurtuluşundan iki il sonra Ənvər paşa Şərq Xalqlarının Birinci qurultayında iştirak etmək üçün Bakıya gəlmişdi. Artıq sovetləşmənin acısını dadmış əhali onun İstanbuldan deyil, Moskvadan gəldiyini də bilirdi. Bununla belə, bütün şəhər ayaqda idi. Həmin günlərdə Qafqaz və Türkiyədəki İtaliya missiyasının rəhbəri Aleksandr Bodrero Bakıya səfəri haqqında hesabatında Ənvər paşanın azərbaycanlılar tərəfindən qarşılanmasın belə təsvir edirdi: “Ənvər paşanın Bakıya gəlişi gözlənilmədən Azərbaycanın müsəlman əhalisini sözün tam mənasında vəcdə gətirmişdi. Onu hər yerdə salamlayırdılar, əlini öpürdülər. Aazərbaycanlıların Ənvər üçün təşkil etdiyi təntənəli qəbulları onun kommunizmə müraciət etməsi ilə izah edilə bilməz”. Ənvər Paşaya olan bu ümumxalq sevgisinin onun bilavasitə 1918-ci ilin 15 sentyabrındakı xilaskarlıq missiyası ilə bağlı idi. Fikrimizcə, bu hadisənin milli tariximizdə və taleyimizdəki əhəmiyyətini nəzərə alaraq Bakının qurtuluşu günü – sentyabrın 15-i Azərbaycanın milli bayramları sırasına daxil edilməli və ya ayrıca paytaxt günü kimi qeyd edilməlidir.
-
- Cəmiyyət
- 15 Sentyabr 2015 15:04
-
- İqtisadiyyat
- 15 Sentyabr 2015 15:29
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz