... Şəkildə gördüyünz bu şirin- şəkər balalar- Cansu və Aysu şərlənərək həbs edilmiş hüquq müdafiəçisi Taleh Xasməmmədovun övladlarıdır. Onlardan birinin- Cansunun bu gun doğum günüdür- 10 yaşı tamam olur. Cansu 2- ci dəfədir ki, öz ad gününü atasının iştirakı olmadan keçirir. Çünki hakimiyyət ikinci dəfədir ki, Taleh Xasməmmədovu qanunsuz şəkildə həbs edib.
... Balaca Cansu atasının qanuni və ya qanunsuz həbs edildiyinin fərqində deyil. Yalnız onun fərqindədir ki, sadə həyat yaşayan atası insanlara təmənnasız hüquqi yardım edib, onların hüquqlarını qoruyub. Yəqin ki, onun uşaq xəyalında xeyli suallar yaranıb ki, atasının gunahı olmadığı, əksinə köməyə ehtiyacı olan insanları müdafiə etdiyi üçün nəyə görə həbs ediblər? Axı onun atasını 3 il öncə bir dəfə də həbs etmişdilər və o zaman Cansu atasının məhkəmələrinə gedir, onun haqsız və əsassız yerə ittiham olunduğunu görürdü. Uşaqlar atalarından güclü və haqlı kimsəni bilməz deyirlər. İndi Cansunun uşaqlıq dünyası yalnız bir suala cavab axtarır; atasını niyə həbs ediblər və atası nə zaman evə gəlib onu sevindirəcək?
... Bu gun Cansu tək deyil. Çünki onun həmyaşıdı olan çoxlu sayda uçaqların atası şərlənərək həbs olunub, qanunsuz həbs həyatı yaşayır. Onun kimi çoxlarının atası insanlara və insanlığa göstərdiyi sevgi və mərhəmət ucbatından qaranlıq zindan əzabı çəkirlər. Həbsdə olan siyasi məhbuslar- İntiqam Əliyevin, Leyla Yunusun, Rəşadət Axundovun, Rəşad Ramazanovun, Pərviz Həşimlinin, Nemət Pənahlının, İlqar Məmmədovun, Araz Quliyevin, Hilal Məmmədovun, Asif Yusiflinin, Mübariz Abdullayevin, Murad Adilovun, Babək Ədalətlinin, Ruhulla Axundzadənin, adını çəkə bilmədiyim onlarca siyasi məhbusun övladları həsrətlə gözləri qapıda atalarının yolunu gözləyir. Axı o uşaqlar atalarına güvənir, inanır və onunla fəxr edirlər. Onlar bilir ki, ataları gunahıszdır və bütün həyatı boyu başqalarına əl tutub, kömək edib. Övladları üçün ayırmadığı vaxtı, enerjini başqalarının rifahına və yardımına ayırıb.
.... Cansunun doğum günün təbrik edirəm! Cansunun timsalında atası, anası, yaxınları qanunsuz həbs həyatı yaşayan bütün siyasi məhbus övladlarının doğum günlərini, şad günlərini təbrik edirəm. Bilirəm ki, onlara atasız ad günü, bayram keçirmək ağırdı, çətindir. Amma onlara səslənirəm ki, darıxmayın, üzülməyin, sınmayın. Siz fəxr edin ki, siyasi məhbusun övladısınız. Sizin atanız hansısa çirkaba bulaşmayıb. Başqaları kimi xalqın malını talamayıb, kimsədən rüşvət alıb kimsəyə rüşvət verməyib. Sizin atanız seçkiləri saxtalaşdırıb hakimiyyətin qəsb olunmasında iştirak etməyib. "Mandat alveri" oyununda rol almayıb. Atanızın yeganə "suçu" insanları və insanlığı sevmək olub. Haqqın və ədalətin tərəfində dayanıb, saxtakarlığa etiraz etmək olub. Xaqlına, millətinə bağlanıb sadə vətəndaşlara arxa durub. Vaxt gələcək atalarınız və sizlər layiq olduğunuz qiyməti alacaqsınız.
Mən eyni zamanda təmiz insanlara çamur atıb onları həbs edən, haqqında ədalətsiz qərar və hökm çıxaran şəxslərə səslənirəm; Unutmayın ki, bu dünyada əbədi heç nə yoxdur və etdiyiniz heç bir hərəkət qarşılıqsız qalmayacaq. Başqalarına etdiyiniz pislik, zülm və haqsızlıq mütləq bir gün öz ədalətli qarşılığını alacaq və siz buna görə cavab verəcəksiniz. Necə deyərlər "...Alma məzlumun ahını çıxar ahəstə, ahəstə"
Eyni zamanda "məndən ötdü" düşüncəsi ilə yaşayıb bu gün ölkəni ağuşuna almış repressiyalara, qanunsuz həbslərə seyriçi mövqe sərgiləyənlərə səslənirəm; unutmayın ki, avtoritar rejimlərdə heç kim həbsdən, sürgündən sığortalanmır. Hökmən mütləq bir gün "repressiya əzrahılı" sizin də qapını döyəcək. Nə qədər gec deyil, haqq və etiraz səsinizi ucaldın. Vətəni sevmək imandan olduğu kimi haqsızlığa duçar olub həbsə atılan insanları müdafiə etmək də vicdan borcudur. Unutmayın ki, Cansunun yerində sabah sizlərin hər birinin övladı ola bilər.
Doğum günün qutlu olsun, Cansu!
Hörmətlə,
Oqtay Gulalıyev,
"Siyasi Məhbuslarsız Azərbaycan" İctimai Alyansının koordinatoru
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz