Ailə vəziyyətimin ağırlığı ilə əlaqədar olaraq 2008-ci ildən sosial yardım almışam. 2008-ci ildə 6 aylıq sosial yardımımın 2 aylığını Cəlilabad rayon Əmək və Əhalinin Sosial Müdafiəsi Mərkəzi rəhbərliyi mənimsədi. Sonrakı ərəfədə isə 1 illik sənəd qəbulu zamanı sosial yardımımın 4 aylığını özlərinə götürdülər. Bu idarədə rüşvətxorluq baş alıb gedir. 2011-ci ildə kartımı onlardan aldım. Daha bundan sonra mənim pulumu mənimsəyə bilmədilər. O vaxtdan mənə müxtəlif problemlər yaratmağa başladılar. Mənə deyirlər ki, əvvəllər bizim payımızı vermisən, indi də verməlisən. Prezidentin korrupsiyaya qarşı sərəncamından bu idarənin xəbəri yoxdur. Bəhanə gətirirlər ki, fərdi işlə məşğul olursan. Deyin görək kənd yerində kim fəhləçiliklə məşğul olmur ki? Həmişəlik işlədiyim, maaşlı heç bir işim-zadım yoxdur. İlin 3-4 ayını, əsasən isti havalarda fəhləçilik edib beş-üç manat əldə etməyə çalışıram. İndi onlara pul vermədiyimi görüb bunu bəhanə gətirirlər. Hamı bilir ki kənd yerində fəhləçiliklə, nökərçiliklə məşğul olmayan yoxdur.
3 aydan çoxdur ki dalbadal Cəlilabad ƏƏSMM-ə gedib gəlirəm, buranın müdiri Mirsüleyman Mirxaslını yerində tapa bilmirəm. Hansı işlərlə məşğuldur, baş açmaq olmur. Bu idarədə qayda-qanun yaradın. Ad olub ki, sosial yardım alırıq, ancaq yarısını Mirsüleyman Mirxaslı tutub əlimizdən alır.
Vətəndaş bir az pulu artıq verəndə yüksək faizlə yazırlar, məsələn, 100 manat, 120 manat. Dəxli yoxdur qanunda nə qədərdir, 3 uşağın var ya 5, təki onları görüm-baxım elə. Dedikləri artıq pulu onlara verməyəndə isə az miqdarda, 60-70 manat yazırlar, baxmırlar da ki aztəminatlı ailəsən, 5 uşağının olması da onların vecinə deyil. Bu pulu onlara verməyəndə bəhanə gətirirlər ki, alan, müraciət eləyən çoxdur, pul çatdıra bilmirik. Halbuki rüşvət verəndə maşını, imkanı olana da sosial yardım düzəldirlər.
Xahiş edirəm ki, mənim müraciətlərimə diqqətlə yanaşılsın. Bu adam YAP üzvü olmasından istifadə edərək dövlət orqanlarını qulaqardına vurur, öz istədiyi oyunlardan çıxır. Xahiş edirəm yerindəcə yoxlanılsın, düşürsə, mənim sosial yardımıma olan maneə aradan götürülsün. O cümlədən, xahiş edirəm ki, indiyədək Mirsüleyman Mirxaslının mənimsədiyi sosial yardım pullarım geri qaytarılsın.
Söz istəyirəm
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
-
Yanvarın 7-də prezident İlham Əliyevin yerli telekanallarla mətbuat konfransında Real TV-nin nümayəndəsi belə bir sual verdi: "Trampı bizimlə bir gəmidə görürsünüz..."
Rəy yaz