- Söz istəyirəm
- 28 İyun 2015, 11:38
- 34
Cəmil Həsənlidən Arif Məmmədovu hədəf seçənlərə sərt təpki
Moskvanın Azərbaycandakı başlıca dayağı Ramiz Mehdiyev tərəfindən idarə olunanlar, Rusiya qarşısında xidmətlərinə görə Putunin orden verdiyi Əli Həsənovdan təlimat alanlar...
Milli Şuranın sədri, professor Cəmil Həsənli hakimiyyətin istifadəsində olan keçmiş müxalifətçilərin artıq işə yaramadığını bildirib. Cəmil Həsnli, özünün "facebook" səhifəsindən paylaşdığı yazıda o adamları "nökər" adlandırıb. Həmin yazını təqdim edirik:
Hakimiyyət mətbuatı və ona nökərçilik edən media qurumları heç nəyə yaramır. Rejimin keçmiş müxalifətçilər vasitəsilə öz təbliğatını qurması da iflasa uğradı. Özlərini qiymətə mindirmək üçün törətdikləri bütün rəzilliklərə rəğmən, indi onların ictimai rəyə zərrə qədər təsiri yoxdur. Ola da bilməz. Çünki tirajları mahiyyətlərindən də aşağı düşüb. Axı, indi vətəndaşlarımız daha ayıqdır, daha təcrübəlidir, sosial şəbəkələr daha operativdir, ictimai rəy daha həssasdır.
Son günlər də yapışıblar səfir Arif Məmmədovdan. Onun sosial şəbəkədə paylaşdığı statusundan sonra haray salıblar ki, adam Rusiya Hərbi Tərcüməçilik İnstitutun bitirib və indi yadlarına düşüb ki, sən demə, bu təhsil ocağı GRU-nun nəzarətində olub. Bu bədbəxtlər unudurlar ki, ölkənin hakimiyyət elitasında təmsil olunanların çoxu Rusiyanın müxtəlif ali məktəblərini bitiriblər və həmin ali məktəblərin də bəlli bir hissəsi ya GRU-nun, ya KGB-nin, ya da digər xüsusi xidmət orqanlarının nəzarətində olub. İndinin özündə də ölkəni yönətən hakim zümrə, evlərində də, iş yerlərində də rus dilində danışırlar.
Yeri gəlmişkən, bizim bəyənmədiyimiz Sovet hakimiyyəti illərində Azərbaycan hökuməti daha çox Azərbaycan dilli idi, nəinki müstəqil Azərbaycanı idarə edənlər. Arif bəy 20 il ölkəni ən mötəbər beynəlxalq qurumlarda təmsil edib və bu 20 ildə heç kəsin yadına düşməyib ki, adam Rusiyada filan məktəbi bitirib. İndi səfir yüksək çinli məmurların vəzifə cinayətləri nəticəndə 15 nəfərin ölümünə səbəb olmuş yanğın hadisəsinə vətəndaş mövqeyi sərgiləyəndə, GRU da, Rusiya kəşfiyyatı da və hətta çoxdan dəfn olunmuş “milyarderlər dərnəyi” də yada düşüb.
Gecə-gündüz “dahiyanə” şəkildə əsaslandırılır ki, “xətt də, bu xətdəki şəxslər də eyni koordinatdan idarə olunanlardır”. Maraqlıdır, Rusiyanın Azərbaycanda başlıca dayağı olan Ramiz Mehdiyev tərəfindən idarə olunanlar, Rusiya qarşısında xidmətlərinə görə Putun tərəfindən “Dostluq” ordeni ilə təltif olunmuş Əli Həsənovdan təlimat alanlar 20 il Avropada iş təcrübəsi olan bir səfirin hərəkətlərində GRU izləri axtarırlar.
-
- Foto sessiyalar
- 27 İyun 2015 23:19
-
- Cəmiyyət
- 28 İyun 2015 18:45
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz