Ekspertlər MTN rəhbərinin işdən çıxarılmasının səbəbləri barədə

Siyasətçilər və ekspertlər milli təhlükəsilzik naziri Eldar Mahmudovun işdən çıxarılmasının səbəbləri barədə fikir yürütməkdə davam edirlər.

Azərbaycanın Avropa Şurasındakı nümayəndəliyinin keçmiş rəhbəri Arif Məmmədov özünün Facebook səhifəsində yazır ki, bu, E.Mahmudovun dövlət başçısının qəzəbinə tuş gəlməsi ilə bağlı ilk hadisə deyil.

“Elə olub ki, o, şantaj yoluyla bir biznez qurumdan çox böyük məbləğdə pul alıb, lakin bu pullar “obşak”a çatmayb. İlham Əliyev bundan xəbər tutub. O, işdən çıxarılma təhükəsi ilə üz-üzə qalıb, lakin həmin “obşak”a böyük məbləğdə cərimə ödəyərək birtəhər canını qurtarıb”.

Bundan əlavə, E.Mahmudov Beynəlxalq Bankdan böyük məbləğdə pul götürüb və vəsaitin böyük hissəsi “yanıb”. O, müəyyən edilmiş vaxtda həmin pulu qaytara bilməyib. Pullar başqa bankın vasitəsilə üçüncü ölkəyə keçirilib, eks-diplomat hesab edir.

Onun fikrincə, RF prezidenti Vladimir Putin İlham Əliyevlə son görüşündə E.Mahmudovla bağlı hansısa kompromatı ona çatdırıb.

A.Məmmədovun fikrincə, MTN əsasən E.Mahmudova şəxsən sadiq adamlardan ibarətdir və onlar “təmizləndikdən” sonra bu qurum uzun müddət iş qabiliyyətini itirəcək.

Nəhayət, bu qurumun xarici səfirliklərdəki bəzi nümayəndələri ölkəyə qayıtmaqdan imtina edər və siyasi sığınacaq istəyə bilər.

Tanınmış ekspert və keçmiş MTN işçisi Ərəstun Oruclu  öz şərhində təsdiqləyib ki, E.Mahmudovun işdən kənarlaşdırılmasına ciddi maliyyə problemləri səbəb olub. Belə ki, o, öz işçilərinin vasitəsilə hakimiyyətin yuxarı təbəqələrinin vəsaitini Rusiyada biznesə yatırıb. Lakin Moskvaya qarşı sanksiya səbəbindən bu milyardlar faktiki olaraq itirilib.

Bundan əlavə, E.Mahmudov Türkiyədəki öz biznes tərəfdaşı tanınmış milyarderin vasitəsilə Ərdoğana qədər çıxıb və özünün Azərbaycanın baş naziri təyin edilməsi məsələsində onun dəstəyinə nail olmaq istəyib.

Bütün bunlar İlham Əliyevin xoşuna gəlmirdi. Lakin Rusiyanın dəstəyilə əlaqədar ona toxunmurdular, Ə.Oruclu hesab edir. “Lakin bu dəfə onu məhz Moskva özü satdı”, - ekspert güman edir.-02D-

Rəy yaz

Söz istəyirəm

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti