10 Aprel 2015-ci il tarixdə Bakıda, “Senator” restoranında DİN-in İnsan Alverinə Qarşı Baş Mübarizə İdarəsinin rəisi, general-mayor Şərif Əsədullayevin oğlu Tamerlan Əsədullayev xuliqanlıq edərək restoran işçisini bıçaqlayaraq ağır bədən xəsarəti yetirir. Bu hərəkətinə görə onun haqqında 4 aylıq həbs qətimkan tədbiri seçilmişdi. 19 may 2015-ci il tarixdə ona xüsusi şəraitin yaradılması üçün Ədliyyə Nazirliyinin Müalicə Müəssisəsinə köçürülür. 19 avqust 2015-ci il tarixdə Bakı Ağır Cinayətlər Məhkəməsi onun haqqındakı həbs qətimkan tədbirini dəyişib azadlığa buraxır. Bəllidir ki, tək haqsızlığa etiraz edənlərə 6-8 il azadlıqdan məhrumetmə cəzası təyin edən məhkəmə bu qanunsuz qərarı elə-belə qəbul etməyib. Onda bunun arzasında duran nədir? Bildiyim bir neçə amil var.
Birincisi Tamerlanın atası Şərif Əsədullayevin DİN İdarə rəisi, general olmasıdır. Bu həmin Şərif Əsədullayevdir ki, “Bandotel” adlanan idarədə şöbə rəisi işləyərkən öz qəddarlığı ilə ad çıxarmışdır. Onun, xüsusilə iş adamlarına etdikləri qanunsuzluqların tək biri, DİN-dən xaric olunmasına əsas idi. Ancaq Ş.Əsədullayev nəinki, vəzifəsindən azad olundu, əksinə İdarə rəisi, general oldu. Yeni vəzifəsi ilə Ş.Əsədullayev mehmanxana sektoruna, ticarət obyektlətinə yeni bəla gətirdi. Əxlaqsızlıq yuvası adı altında bu günə qədər olmayan reydlər və digər qanunsuz hərəkətlər başladı. Mehmanxana sektorunda, digər ticarət iaşə obyektlərində işləyənlər bu gün qan ağlayırlar. Bunların fonunda isə ancaq Rəşid Behbudov küçəsində en qədər əxlaqsız yuva açıq aşkar fəaliyyət göstərir.
İkincisi, Tamerlan Əsədullayevin dayısının Qafqaz müsəlmanlarının XII Şeyxülislamı və Qafqaz Müsəlmanları İdarəsinin sədri Allahşükür Paşazadə olmasıdır. Bu qohumluq siyahını uzatmaq da olar.
Hər halda Tamerlan Əsədullayevin bu cür ağır cinayət törədib bu gün azadlıqda olması Azərbaycan Respublikasında qanunlara hörmətin hansı səviyyədə olmasının göstəricisidir. Sizi əmin edirəm ki, bu gün cəzasız qalan məmur övladlarının bıcağı sabah Bizim hər birimizə dəyə bilər!
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz