- Söz istəyirəm
- 6 Oktyabr 2012, 13:00
- 57
Gürcüstan seçkilərində gördüklərim (Foto - video)
Oktyabrın 1-i Gürcüstanda Parlament seçkiləri keçirildi. Bu seçkiləri tarixə həkk etmək üçün dəyərli dostum Cahangirlə birlikdə Gürcüstana getdik. Təbii ki, getməyə də bilərdik amma gürcü müxalifətinin 100 minlərlə insanı bir araya gətirməsi və
Gürcüstanda olan bir çox jurnalsit dostlarımla söhbətim, bizi ora getməyə məcbur etdi.
Uzun sözün qısası, ayın 1-i tezdən Tbilisiyə çatdıq. Tbilsi vağzalından ünvanımıza getmək üçün taksi sürücüsündən ümumi vəziyyəti öyrənməyə çalışırq. Sürücü də bizim verdiyimiz bütün sualları cavablandırmağa başlayır. Sonda bizi mənzil başına çatdıranda bir az diqqətli olmağımızı və küçəyə çıxmamağı məsləhət gördü.
Heç bir şeyə məhəl qoymadan fotoaparatımızı götürüb şəhərə çıxdıq. Akkreditasiyadan keçmədiyimizdən məntəqələrə girə bilmədik amma orda olan digər jurnalistlərə qoşulub ümumi prosesi çəkə bildik.
Hadisələr sakit tərzdə öz axarı ilə davam edirdi. Hətta iqtidar namizədinin qərargahını çəkən zaman enkürləkli qara eynəklilər bizə tərs-tərs baxırdılar. Hər halda şübhələnirdilər. Biz də gülə-gülə salamlaşıb yolumuza davam edirdik. Bütün günü şəhərdə, insanlarla söhbət edir, insanların seçkiyə münasibətini və s. öyrənirdik. Axşama kimi "macera" axtarışında idik
Beləliklə, gürcü jurnalistlərdən biri mənə axşam 7-də Azadlıq Meydanında böyük mitinq olacağını dedi. Təxminən 7.30 olardı, Azadlıq meydanını ətrafında göy rəngli bayraqlarla bəzədilmiş maşınlar dövrə vurmağa başladı.
Təxminən 15-20 dəqiqə ərzində meydan ətrafında böyük bir səhnə quruldu. İvanaşvilinin kapmaniyasına dəstək verənlər səhnəyə çıxıb, tərəfdaşlarını təbrik etməyə başladı. Ağlayan kim, sevinən kim, öpüşən kim və s. Qələbə artıq bəlli idi. Gecə 2-yə kimi tərəfdaşlarla birlikdə idik. Hətta vəziyyət o həddə çatdı ki, Gürcüstanda yaşayan Azərbaycanlı dostum "istefa" deyə bərkdən qışqırdı. :) Artıq yorulmuşduq biz evə onlar isə, səhərə qədər qələbəni qeyd etməyə getdilər.
Artıq Gürcüstanda tam iki gün qalıb, kifayət qədər məlumat, müsahibə, foto və video çəkmişdik. Səhəri Bakıya qayıtmağı düşürdük. Amma Gürcüstanda olan jurnalist dostlarımız, bir daha bizə xəbərdarlıq edərək sabah "gözlənilməz" hadisə olacağını dedilər. "Ola bilsin sabah seçki qutusundan, İvanişvilinin adı yox, Saakaşvilinin adı çıxsın. Odur, yaxşısı budur bu gün də bizlərlə qalın". Pulumuz bitmək üzrə idi, Cahangirlə razılaşıb 3-cü günümüzü də Gürcüstanda keçirtdik. Hətta İvanişvili ilə müsahibə üçün də səhər cavab verəcəkdilər...
Aksiya və İvanişvilidən müsahibə ləğv olundu...
Maraqlı hadisələr isə bundan sonra başlayacaq. Pulumuz bitib, Cahangirdə 5 manat mən də 9 manat xırda pulumuz qalmışdı. Qarşıda isə 600 km-dən artıq yol. Tbilisidən düz Bakıya. Cahangirin avtostopda böyük təcrübəsi olduğundan razılıq verib avtostopa çıxdıq. Davamını növbəti yazımda yazacam.
https://www.youtube.com/v/WqDzEvxzv-M?version=3&hl=en_US
-
- Analitika
- 6 Oktyabr 2012 13:18
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz