Avropa Şurasının Parlament Assambleyasının sessiyasına Bakı İstintaq Təcridxanasında saxlanılan hüquq müdafiəçici, “Tolışi Sədo” qəzetinin baş redaktoru, dr. Hilal Məmməfov tərəfindən
Müraciət
Möhtərəm cənablar və xanımlar!
Artıq 3 aydan artıqdır ki, heç bir hüquqi və mənəvi əsası olmadan, zindanda saxlanılır və bütün məhkəmə proseslərim isə qapalı keçirilir.
Bildiyiniz kimi, 21.06.2012-ci il tarixində bir qrup (sonralar polis olduqları bəlli olan) quldurlar tərəfindən qəddarcasına döyülüb, nümayişkaranə şəkildə cibimə narkotika atılaraq həbs edilmişəm. Yəgin ki, dünyanın heç bir məmləkətində bir müəllim, alim, hüquq müdafiəçisi və jurnalistə qarşı bu qədər vəhşilik və biabırçılıq nümayiş etdirilməmişdir. Elə ilk günlərdəcən, özlərinin dünyada rüsvay olduqlarını görən qüvvələr 12 gün sonra ünvanıma daha iki – “vətənə xəyanət” və “milli-dini ayrıseçkilik salma” kimi qondarma ittihamları irəli sürdülər. Bir gün öncə vəkillərimdən “istintaq sirrlərini yaymamaq” barədə iltizam tələb edən istintaq orqanları elə səhərisi gün də mənə və vəkillərə təqdim edilən “sirr dolu” materialı daha da şişirdilmiş formada ölkənin rəsmi KİV vasitəsilə açıqlamışlar. Hakimiyyət orqanları (DİN və Respublika Prokurorluğu) istintaq proseslərinin yenicə başlandığı halda məni heç bir məhkəmə qərarı olmadan cinəyətkar, artıq cinayəti sübut olunmuş şəxs kimi təqdim etmiş, əvvəlcədən istintaqın istiqaməti və məzmunu barədə öz mövqelərini ortaya qoymaqla, istintaq qrupunun qarşıdaki fəaliyyətini müəyyənləşdirməklə, mənim təqsirsizlik prezumpsiyasi hüququmu kobud şəkildə pozmuşlar.
Doğrusu internet saytlarında (youtube-də) yerləşdirdim və Rusiyada “bum” yaradan “Ti kto takoy davay do svidaniya!” adlı video-rolikimizə evrovizionla bağlı verdiyim məlum şərhin Azərbaycan hakimiyyətini bu qədər qəzəbləndirəcəyini heç ağlıma belə gətirməzdim. Bu şərhin qisası isə məndən amansız şəkildə alınır. Məhkəmə proseslərinin tam məxfi və bunker şəraitində keçirilməsi; bu 3 ay müddəti ərzində ailəmlə heç bir görüşə və ya telefon danışıqlarına imkan verilməməsi və i.a. hallar mənə qarşı “işgəncə, qeyri-insani və ləyaqəti alçaldan rəftarların” davamı kimi başa düşülməlidir.
Hakimiyyət orqanlarının bu qədər açıq-aşkar zülmünə, özbaşınalıqlarına və şəxsiyyətimin məhvinə yönəldilmiş hərəkətlərinə qarşı mübarizədə mənə mənəvi dəstək olmağınızı xaiş edirəm. Bir daha Sizə xatırlatmaq istəyirəm ki, mən məhz 2007-nin fevralında eyni absurd və cəfəng ittihamlarla həbs edilmiş və müəmmalı şəkildə 2009, 17 avqustda zindanda vəfat etmiş “Tolışi Sədo” qəzetinin əvvəlki redaktoru, prof. Novruzəli Məmmədovun və digər siyasi məhbusların müdafiəsi və reabilitasiyasa komitəsinin (həbsimə qədər ) sədri olmuşam.
Sizdən xahiş edirəm ki, məhkəmə proseslərimi açıq keçirilməsi tələbiylə ölkəmizin rəhbərliyinə müraciət edəsiniz. Məhkəmənin qapalı keçirildiyi halda isə yerli müdafiəçilərimizin məhkəmə binasının qarşısına toplaşıb, buna etirazlarını bildirməyi rica edirəm.
Azərbaycanın bütün digər (vəkillərimdən savayı) azad fikirli, qorxmaz və cəsarətli vəkillərini də künüllü olaraq haqlarımın müdafiəsinə dəvət edirəm, belə ki, qapalı məhkəmə proseslərindəki bütün biabırçı detalların açıq-aşkar şəkildə dünyaya çatdırılmasında onların bir vasitəçi olmasını istərdim.
Möhtərəm cənablar və xanımlar!
Bu gün mənimlə birgə, bütün digər vicdan məhbusları və siyasi dustaqlar da ümüd dolu gözlərini Sizin mənəvi dəstəyinizə dikmişdir. Haray sədamıza səs verin!
Hamınıza dərin hörmətlə,
dustaq Hilal Məmmədov
Bakı İstintaq təcridxanası
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz