Kim Filbi istirahət edir

Bizim şanlı xüsusi xidmət orqanlarının raportlarına görə, müasir Azərbaycanın tarixi ərzində gənc respublikanın düşmənləri tərəfindən 20 il öncə ələ alınmış ən qatı casus ifşa edilib.

Bir zamanlar Britaniya kəşfiyyatının rəhbərlərindən biri Kim Filbi sovet casusu kimi ifşa edilmişdi, amma Moskvaya qaça bildi və ömrünün sonuna kimi orada yaşadı. Moskva ilə 20 illik əməkdaşlığı ərzində K.Filbi Moskvaya kifayət qədər qiymətli informasiyalar ötürməyə, onlarla agentləri ələ verməyə və Qərbin SSRİ-yə münasibətdə planlarının üstünü açmağa macal tapdı.  

Hilal Məmmədov isə nə qədər xəlvətə çəkilsə də ayıq-sayıq çekistləri (prokuror, polisləri) aldada bilməyib. Düz deyirlər ki, nə qədər ipdə qalsan da bunun da bir sonu olur. 

Amma bax, o dəqiqə bəzu suallar ortaya çıxır: bu casus qiymətli informasiyaları toplayıb düşmənə ötürdüyü bu iki on illik ərzində bu orqanlar hara baxıblar? Onlar rezidentlərlə görüşləri, şifrələrin açılmasını və s. ziyanverici hərəkətləri necə nəzərdən qaçırıblar?  

Iki il öncə MTN başqa “casus”u-Novruzəli Məmmədovu həbs etmişdi. Amma həmişə onun yanında olan Hilal Məmmədovu görməmişdi? Bu azmış kimi, adam tapşırıq alıb, məlumatlar ötürüb və buna görə pul alıb!

Həmin pula heroin aldığı, amma satmağa macalı çatmadığını görüblər. Yəqin, qanunsuz əldə etdiyi vəsaitləri investisiya kimi yatırmaqla üstəlik ölkənin genofonduna zərbə vurmaq isyəib. Məkrə bir bax! 

Belə çıxır ki, əgər bu adamda narkotika tapılmasaydı, casus fəaliyyəti işfa olunmayacaqdı? Burada, nəsə məsələ başqa cürdür... Eybi yox, orqanlar uzlaşamyan yerlərə əl gəzdirərlər.

Qəribədir ki, bu bir “talış tədbirilə” üst-üstə düşüb. Görürsüz, onlar folklor festvalı keçirmək istəyiblər. Necə azğınlıq  edirlər! İndi təcili Konstitusiyaya əl gəzdimək lazımdır ki, başqaları mədəni və digər hüquqlqrdan danışmasınlar, yoxsa daha kimlərsə də  bayram-zad keçirmək istəyər.  

Bu məəslə ilə bağlı DİN və Prokurorluğun məılumatlarını oxuduqda bizim çekistlərin ustalığına heyran qalırsan, amma aydın olmur ki, casusluq nədən ibarət olub? Hilal Məmmədov nəyi bilə bilərdi ki, hələ də İrana ötürsün? Hərbi sirləri? Siyasi? Bəlkə o talışların dəqiq sayını bilirdi və bunu Tehrana xəbər verib? Yəni, bu qədər alçaqlıq edib?  Ölkənin müstəqilliyinə necə ziyan vurub! Beləsini bağışlamaq olmaz, olmaz, amma təəssüf ki, indi 37-ci il deyil!