Bakıdakı Səadət Sarayı əsaslı təmir və yenidənqurmadan sonra açılıb. Bu bina XX əsrin əvvəlində milyonçu Murtuza Muxtarovun sifarişi ilə məşhur memar İosif Ploşko tərəfindən tikilib. Neft maqnatı bu binanı öz zövcəsi Liza Tuqanovaya hədiyyə etmək istəyirdi. Venesiyadakı qotika üslübündakı analoji binalar Lizanın çox xoşuna gəlirdi.
Bolşeviklər binanı milyonçudan almaq istəyəndə Murtuza bəy onlardan tələb edib ki, çirkli çəkmələri ilə parketi batırmasınlar. Bu irad atışmaya səbəb olub və Murtuza Muxtarov güllələnib.
Sovet dövründə bu binadan nikah evi kimi istifadə edilib. 2007-ci ildə bina təmirə bağlanılıb. Ümumi bərpa və yenidənqurma işləri Fransa və İtaliya mütəxəssislərinin layihəsi ilə aparılıb.
Rəsmi məlumatda deyilir ki, bərpa işlərindən sonra bina yenidən planlaşdırılıb və iki hissəyə bölünüb. Birinci hissə işgüzar görüşlər və rəsmi qəbullar, ikincisi nikah mərasimləri üçündür. Amma rəsmi görüşləri kim keçirəcək, bina kimin balansındadır – bilinmir. Təmirə hansı mənbədən, nə qədər xərcləndiyi də naməlumdur. Yalnız o məlumdur ki, bütün təmir işlərinə Gənclər və İdman Nazirliyi rəhbərlik edib. -02D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz