Bir qrup KİV və jurnalist təşkilatı rəhbərinin adından Bakı Şəhər İcra Hakimiyyətinin başçısı Hacıbala Abutalıbova görüş barədə məktub göndərilib. Məktubda deyilir: “2011-ci ilin sentyabrından Bakıda “Qasid” firmasının köşkləri İcra Hakimiyyətinin qoyduğu yeni köşklərlə əvəzlənir.
Köşklər şəbəkəsinin inkişafının dövri mətbuatın satışının artmasına və KİV-in iqtisadi vəziyyətinin yaxşılaşmasına gətirib çıxaracağı, vətəndaşların informasiya əldə etmək imkanını yüksəldəcəyi və əhalinin oxu mədəniyyətinin artmasına xidmət edəcəyi ilə bağlı gözləntilər özünü doğrultmadı.
Əslində bunun əksinin şahidi oluruq. Yeni köşklər bir qayda olaraq onların 12. kv metrlik sahəsinin 1/10 hissəsini tutan dövri mətbuatı yox, ərzaq malları satmaqla məşğuldur.
Yeni köşklərin qurulması qanunazidd məcrada baş verir: köşklərin əvəzlənməsi barədə qanuni qərar yoxdur, onların dəyişdirilməsi şifahi göstərişlə, kobud və zorakı formada həyata keçirilir. On illərdir dövri mətbuat satan “Qasid” firması iflas həddinə çatdırılıb, o, dövri mətbuat satışına görə redaksiyalara ödəniş edə bilmir, nəticədə qəzet və jurnallar ciddi itkilərlə üzləşir.
Bundan əlavə, köşklərin qoyulması alternativsiz şəklildə həyata keçirilir, mətbuat yayımı firmaları arasında rəqabət yaradılmayıb, bu isə inhisarçılığı gücləndirir, proses jurnalist cəmiyyəti üçün qapalı formada baş verir, prezident yanında KİV-ə Dəstək Fondunun, Mətbuat Şurasının, jurnalist təşkilatlarının və ölkə ictimaiyyətinin xəbəri olmadan həyata keçirilir. Prezident Administrasiyasının nümayəndəsinin də iştirak etdiyi tədbir də daxil bir neçə birgə iclas heç bir nəticə verməyib.
2001-ci ildə biz “Qaya” firmasının köşklərinin məhvinin şahidi olduq. Bunun redaksiyalara çox böyük ziyanı dəydi. Hesab edirik ki, indi qəzet köşklərinin ləğvinin və müstəqil mətbuatın məhv edilməsinin növbəti dalğası başlayıb.
Hesab edirik ki, bu hərəkətlər Azərbaycanın ictimai maraqlarına ciddi ziyan vurur və prezident İlham Əliyevin elan etdiyi Azərbaycanda demokratik dövlət quruculuğunun təməl daşı kimi söz azadlığına dəstək və onun inkişafı siyasətinə ziddir.
Buna görə baş verənlərdən ciddi narahatlığımızı ifadə edir və sizdən xahiş edirik ki, məsələnin tənzimlənməsi üçün problemin həllində maraqlı olan redaksiya və jurnalist təşkilatları nümayəndələrindən ibarət qrupu qəbul edəsiniz”.-0-
Söz istəyirəm
-
Bu gün 2014-cü ilin fevralında başlayan rusiya təcavüzünün Ukraynaya qarşı genişmiqyaslı müharibəyə çevrilməsindən 1000 gün ötür. Min gün davam edən ağrı, itki, göz yaşı...
-
Dörd il əvvəl 7 minə yaxın insanın həlak olduğu İkinci Qarabağ müharibəsi başa çatdı. Daha sonra ermənilər Azərbaycanın "antiterror əməliyyatları" adlandırdığı döyüşlər nəticəsində Qarabağı tərk etdilər.
-
Ukraynada Rusiya təcavüzünün səbəb olduğu vəhşi, qanlı müharibə davam edir, bu müharibə hər gün insan həyatına son qoyur, evləri, infrastrukturu dağıdır, ekologiyaya və ətraf təbii mühitdə saysız-hesabsız itkilərə səbəb olur. Ukrayna bu dünyada hər kəsdən çox sülhə can atır, çünki bu Rusiya-Ukrayna müharibəsinin vəhşiliyini hər gün hiss edən bizik. Biz yaşamaq hüququ, azadlıq və ədalət uğrunda mübarizənin önündəyik. Ukrayna Avropanın və dünyanın sabit gələcəyi üçün etibarlı əsasa çevriləcək ədalətli sülh axtarır və buna yeganə alternativ yol Ukrayna Prezidenti Volodımır Zelenskinin Sülh Formulasıdır (Ukrayna Sülh Formulası).
-
Sıra nömrəsindən asılı olmayaraq, ümumdünya COP tədbiri yalnız iqlim dəyişikliyinə deyil, həm də humanizmə xidmət edən bir aksiyadır. COP keçirən ölkədə siyasi məhbus ola bilməz, COP keçirən ölkə insan haqlarına hörmət etməlidir.
Rəy yaz