- Söz istəyirəm
- 31 Mart 2012, 15:25
- 49
Masallı ziyalıları və ictimaiyyəti nümayəndələrinin müraciəti
Masallı ziyalıları və ictimaiyyəti nümayəndələrinin Masallı rayon icra Başçısı Qəzənfər Ağayevin rayondakı qanunsuz, cinayətkar, korrupsioner əməllərinə, yaşamaq, işləmək, mülkiyyət hüquqlarının kobud şəkildə pozulmasına, şəxsi biznes yaradaraq şəxsi obyektlər almasına, edilən şikayətlərə ölkə rəhbərliyi tərəfindən heç bir məhəl qoyulmamasına etiraz əlaməti olaraq keçirilən 27 mart 2012-ci il tarixli, ölüm aclığı aksiyasına bir günlük dəstək verənlər barədə.
Məlumat üçün bildirirəm ki, bu gün də Q. Ağayevin qanunsuz əməllərinə qarşı rayonda yaratdığı dözülməz vəziyyətə etiraz əlaməti olaraq keçirilən “ölüm aclığı” aksiyasına total təzyiqlər davam edir və yeni təzyiq formalarının tətbiqinə başlanılıb.
Belə ki, 30 mart 2012-ci il saat 13:30 radələrində Musaküçə kənd ərazi nümayəndəsinin müavini Hüseynağa Məmmədov, kənd bələdiyyəsinin sədri Qədimalı Məmmədov, Musaküçə kənd orta məktəbinin direktoru (deyilənə görə, YAP-ın rayon təşkilatının kənd özəyinin sədridir) Abbas Cahangirov və YAP rayon təşkilatının nümayəndəsi Cəlal bizə təşrif gətirərək məni bu gün saat 15:00-da YAP-ın yığıncağına dəvət olunmağımı bildirdilər.
Mən 3-cü gündür ki, aclıq aksiyası keçirirəm, bunların məni YAP-ın yığıncağına dəvət etmələri çox təəccüblüdür. Onlardan soruşanda ki, gündəlikdə hansı məsələdir, onlar dda bilmədiklərini qeyd etdilər. Soruşanda ki, bu necə dəvətdir ki, nə üçün dəvət edilməyimi sizlər də bilmirsiniz, onlara sual edəndə ki, bəlkə gündəlikdə Q. Ağayevin cinayət əməlləri, şəxsi biznesi, aldığı obyektlər müzakirə mövzusudur yoxsa, bizim YAP-dan çıxarılmağımız?
Mən təbii ki, onlara bu vəziyyətdə orada iştirak edə bilməyəcəyimi, eyni zamanda Q. Ağayevin idarəçiliyi, cinayət əməlləri, şəxsi obyektləri, biznesi, yaratdığı dözülməz vəziyyət barədə ətraflı məlumat verərək bunların YAP-ın rayon təşkilatının sədri, RİHB-nin ictimai-siyasi şöbəsinin müdiri ona hərtərəfli şərait yaratdığı üçün Qəzənfərin şəxsi maraqlarına itaətkarcasına qulluq göstərən Seyfəddin Əliyevə çatdırılmasını xahiş etdim.
Beləliklə, YAP-ın rayon təşkilatının hansı məsələləri müzakirə edəcəyi qaranlıq qaldı!
İmza edənlər:
Nəhmətov Xanməmməd Məmməd
Şahverdiyev Rafət Möhübbət
Eynullayev Aslan Xanəli
Hüseynov Qılman Firudin
Məmmədov Surac Xıdır
Allahverdiyev Yasin Yadigar
Eynullayev Xanalı Gülağa
-
- Söz istəyirəm
- 30 Mart 2012 15:24
-
- Video
- 2 Aprel 2012 01:28
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz