![Milli Şura barədə](https://turan.az/resized/750/500/resize/media/2013/main/041600034777.jpg)
Ziyalılar Forumunun bu yaxınlarda dərc edilmiş bəyanatı ölkədə baş verən həyəcanlı hadisələrlə bağlı geniş ictimaiyyətin fikrini ifadə edir.
Görünür, rejimin artmaqda olan aqressivliyi qarşıdakı prezident seçkiləri ilə bağlıdır. Hakimiyyət demokratik qüvvələrin seçkilərə konsolidasiya olunmuş şəkildə getmək cəhdlərinin qarşısını hər vəchlə almağa çalışır. Demokratik qüvvələrin Milli Şura yaratması ölkə rəhbərliyini daha çox əsəbiləşdirir. Şuraya aparıcı demokratik partiyaların və hərəkatların, hüquq-müdafiə təşkilatlarının nümayəndələri, görkəmli ictimai xadimlər daxil olacaq. Bu birləşdirici orqanın effektiv işi seçicilərin vətəndaş fəallığına təsir göstərə və seçkilərdə hakimiyyətin manipulyasıyasına əngəl törədə bilər.
Milli Şuranın məqsədi, vəzifələri, fəaliyyət proqramı Şura tərəfindən müəyyən ediləcək. Lakin onun özəyində dayananların bir çoxu hesab edir ki, Şuranın əsas məqsədi ölkəni avtoritarizmdən demokratiyaya keçirmək üçün fəaliyyətin koordinasiyasıdır. Bu, yalnız prezident seçkilərində ümumi cəbhədən çıxış etməyi və demokratik qüvvələrin vahid namizədinin qələbəsini təmin etməyi yox, həm də demokratik cəmiyyətin əsasları kimi sonrakı mühüm addımların atılmasını nəzərdə tutur: ölkənin yenilənmiş Konstitusiyasının hazırlanması və qəbulu, bu, hakimiyyətin qolları arasında balans prinsipinə əməl olunmasına zəmanət verərdi; məhkəmə sisteminin müstəqilliyi; prezident səlahiyyətlərinin yeni bölgüsü; şəhər meri seçkili vəzifələrinin və şəhər bələdiyyə şuralarının tətbiqi ilə yerli özünüidarə orqanlarının səlahiyyətlərinin və statusunun genişləndirilməsi; yeni vaxtından əvvəl prezident seçkilərinin keçirilməsi və s.
Buna uyğun olaraq Milli Şura lazım bilərsə, seçkidən sonrakı dövrdə yeni parlament işə başlayana qədər yeni seçilmiş prezident yanında kollegial idarəetmə orqanına çevrilə bilər.
Keçid dövrü prezidentinin səlahiyyətləri yeni, vaxtından əvvəl prezident seçkiləri keçirilənə qədər iki illə məhdudlaşdırılacaq.
Əlbəttə, bütün təkliflər ilkin niyyət xarakteri daşıyır və Milli Şura öz fəaliyyəti və onun konkret istiqamətlərinin prioritetləri ilə bağlı qərarları özü qəbul edəcək.
Hakimiyyət hələ də ümid edir ki, əvvəlki illərdə olduğu kimi, seçkilərdə maxinasiyaların köməyilə öz idarəçiliyini uzada biləcək. Hesab edir ki, ədalətə ümidini itirən xalq bu dəfə də susacaq, xaricdəki korrupsiyaya uğramış nüfuzlu ali dairələrlə razılığa gəlmək mümkün olacaq. Lakin vətəndaş fəallığı gün-gündən artır, artıq rejimin cinayətkar aqressivliyi az adamı qorxudur. Dünya ictimaiyyəti ölkədə baş verənlər barədə kifayət qədər yaxşı məlumatlıdır və ölkənin ictimai-siyasi həyatında demokratikləşmənin vacibliyini başa düşür.
Bununla yanaşı məlumdur ki, ölkəni ciddi sınaqlar gözləyir. Misir, Suriya və digər dövlətlərin təcrübəsi göstərir ki, diktatura hakimiyyəti saxlamaq üçün hər şeyə əl atırlar. Lakin bu il az-çox ədalətli seçkilərə nail olmaq və rejimlə qanlı qarşıdurmadan qaçmaq üçün bizim xalqın gücü və inadı kifayət qədərdir. Bunda mühüm rolu Milli Şura oynayacaq və oynamalıdır.
Hazırda Milli Şuranın personal heyətinin formalaşdırılması prinsipləri barədə razılıq əldə olunub, tanınmış ictimai və siyasi xadimlərlə danışıqlar aparılır. Çox güman ki, aprelin sonlarında -mayın əvvəllərində Milli Şuranın tərkibi ölkənin aparıcı partiyaları və hərəkatları tərəfindən təsdiqlənəcək və öz işinə başlayacaq.
-
- Siyasət
- 16 Aprel 2013 00:23
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz