Azərbaycan Respublikasının Prezidenti
Cənab İlham Əliyevə
Hörmətli cənab Prezident,
Ailəmiz ətrafında yaranmış vəziyyət məni bilavasitə Sizə müraciət etməyə vadar edir. Sizin yüksək insani keyfiyyətlərə malik olduğunuzu izləmək və müşahidə etmək imkanı olan birisi kimi anlayışla qarşılanacığıma ümid edirəm. Oğlum, Sizin də yaxşı tanıdığınız, Nicat Quliyev 500 günə yaxındır ki dəmir barmaqlıqlar arxasında həbsdə saxlanılır.
Ona qarşı yönələn ittihamın, nə də təyin olunan cəzanın qanuniliyini və ədalətliliyini müzakirə
etməyə və ümumiyyətlə, bu barədə fikirlərimi bildirməyə ehtiyac olmadığını düşünürəm. Onun heç vaxt və heç vəchlə qanunların əleyhinə getmədiyini, qanunpərəst olduğunu bilirik. O dövlətçilik təsisatlarına dərin hörmət ruhunda tərbiyə alıb, şəxsinə səmimi və dərin hörmətlə bağlı olduğu prezident Heydər Əlirza oğlu Əliyevin hökumətində dövlətimizin, ölkəmizin maraqlarına vicdanla xidmət etmiş, sözün əsl mənaslnda alicənab şəxsdir.
Hörmətli cənab Prezident,Mənim 85 yaxın yaşım var. Mən və anası artıq həyatımızı yaşamışıq. Ağır yataq xəstəsiyik. Hər an övladımızı görmək, onunla bərabər olmaq intizarı ilə yaşayırıq. Həyatımın geridə qalan hissəsinə nəzər saldıqda təkrar-təkrar bir gerçəyi yəqin edirəm: həqiqəti hecnə ilə əvəz etmək olmaz vəyadıma ümummilli liderimiz Heydər Əliyevin sözləri düşür “günahkar cəzasız qalanda və günahsızın cəzalandırılması böyük ədalətsizlikdir”.
Onsuzda keçmişdə də ailə kifayət qədər istirablara məruz qoyulmuş və itkilər vermişdir. Qohumların, yaxınların, bütün nəslin adından bir ağsaqqal kimi Sizə müraciət edir və bu müraciətimin tərəfinizdən diqqətsiz qoyulmayacağına dərin inamımı ifadə edirəm. Xahiş edirik köməyinizi bizdən əsirgəməyəsiniz. Yaranmış situasiyanın həlli yalnız Sizdən asılıdır. Ədalətə yönəlik bütün ümidlərimi mən Sizinlə bağlayıram. Heç bir şübhə yoxdur ki, Sizin müdaxilənizlə haqq və ədalətə, Nicat Quliyevin azadlığa – ailəsinə, yaxınlarına və ilk növbədə ona hədsiz ehtiyac duyan kiçik övladlarına qovuşmasına nail olmaq mümkündür.
Dərin və səmimi hörmətlə,
Əmir Quliyev
Bakı şəhəri
07.11.2014-cü il
Söz istəyirəm
-
Azərbaycan hökümətinin 10 il bundan qabaq başladığı və bu günə qədər yarımçıq qalmış olduqca vacib bir islahatdan qısaca bəhs etmək istəyirəm.
-
Bizim cəmiyyətdə işıqlı insanların yeri günəşin altı olmur. Bizim cəmiyyətdə işıqlı insanların yeri günəşin altı olmur. Qaranlıq zirzəmilər olur. İşıq saçmalı olan insanlara küfr yağdırılır. Onların yeganə silahları parlaq ideyalarıdır. Onların yeganə suçu cəmiyyətdə dumanların altında gizlədilmiş həqiqətləri dartıb üzə çıxarmaq və onunla cəmiyyət üzvlərini tanış etmək cəsarəti ilə bağlıdır. Natiq Cavadlı bir jurnalist olaraq belə bir tarix şüuruna və maarifçi bir fəaliyyətə malik insan idi.
-
2025-ci ilin qarşılandığı və Dünya Azərbaycanlılarının Həmrəyliyi Günü qeyd edildiyi müddətdə səfir Libby-nin bu mesajını sizinlə paylaşmaqdan məmnunuq.
-
Tanınmış hüquqşünas və media eksperti Ələsgər Məmmədli 2024-cü ilin mart ayından bəri saxlanıldığı həbsxanadan Azərbaycanlıların Həmrəylik Günü və Yeni il münasibətilə vətəndaşlara müraciət edib. Valyuta qaçaqmalçılığı ittihamı ilə həbs olunan Məmmədli bu ittihamları rədd edib və beynəlxalq media və insan hüquqları təşkilatları ittihamları siyasi motivli adlandırıb.
Rəy yaz