Prezidentə açıq məktub

Tanınmış rusiyalı musiqiçi Andrey Makareviç prezident Vladimir Putinə açıq məktubla müraciət edərək dövlət başçısını ölkədə korrupsiya probleminin həllinə çağırıb. A.Makareviçin məktubu çərşənbə axşamı “Moskovskiy komsomolets” qəzetində dərc edilib.

Məktubu oxuyanda belə təəssürat yaranır, bu, təkcə Rusiyaya deyil, həm də Azərbaycana aiddir. Əgər məktubdakı “Vladimir Vladimiroviç” sözlərini “İlham Heydəroviç” sözləri ilə əvəzləsək, öz aktuallığını itirməz.

Musiqiçi ölkəboyu səfərindən aldığı təəssüratlardan sonra məktub yazmaq qərarına gəlib. O, korrupsiyanın geniş yayılmasından dəhşətə gəlib ki, buna da artıq göz yummaq mümkün deyil.

“Əlbəttə ki, “şapka” sözü sizə yaxşı tanışdır”. Hələ 5-6 il əvvəl ölkədə orta “şapka” 30% təşkil edirdi. Hazırda bu rəqəm 70%-dir. “Şapka”nın 95% təşkil etdiyi hallar barədə də səhih məlumatım var. Bu barədə bu gün bütün ölkə bilir. Bilir və susur”, - musiqiçi yazır.

“Bilirəm ki, deyəcəksiniz ki, qoy, məhkəməyə müraciət etsinlər. Onlar məhkəməyə getməyəcəklər, Vladimir Vladimiroviç. Çünki bu gün bizim məhkəmə ya arzu olunmayan şəxslərin cəzalandırılması üçün vasitədir, ya da iddiaçılardan pul qəbulu üzrə aparat”, - A.Makareviç bildirir.

“Maşina vremeni”nin lideri hökumətin məqsədlərini açıqlayır – yolların tikintisi, müdafiənin möhkəmləndirilməsi, sənayenin inkişafı, Olimpiadanın keçirilməsi və qeyd edir ki, bütün bunlar üçün əslində büdcənin 30%-i sərf olunur, qalanı isə mənimsənilir.

“Əgər yaxın vaxtlarda vəziyyət kardinal şəkildə dəyişməsə, total fəlakət qoxusu gələ bilər”, - musiqiçi proqnozlaşdırır.

Məktubun sonunda A.Makareviç V.Putindən müdaxilə etməsini xahiş edir, belə ki, “bu gün həyatımızdakı ciddi dəyişikliklər məhz sizin qərarla, sizin sözünüzlə, sizin baxışlarınızla baş verir”.

“İnanmıram ki, sizi prezident seçən ölkəni bu qədər vecinizə almayasınız”, - o vurğulayır.

V.Putinin növbəti müddətə prezidentliyə namizədliyinin irəli sürülməsi fonunda A.Makareviç “K nam Xoluevo priezjaet Putin” satirik mahnısını yazmışdı. Prezident seçkilərinin yekunlarından (bu, etiraz çıxışlarını artırmışdı) sonra A.Makareviç V.Putini ölkəni parçalamaq istəyində ittiham etmişdi.

“Putinə görə, bütün müxalifətçilər vətən xainləridir və bir çoxu isə amerikalıların pulu ilə yaşayır. Bu yalan hələ də ölkə içinə yeridilməkdədir”, - o, öz bloqunda qeyd edib.

Seçkiqabağı kampaniya zamanı musiqiçi prezidentliyə namizəd Mixail Proxorovun səlahiyyətli nümayəndəsi olub.

Rəy yaz

Ad *

Rəyiniz *

Oxudum və razıyam Şərh göndərmə qaydaları

- Bazarların icmalı
- 7 Avqust 2012 07:06
İyul ayinda ərzaq məhsullarin qiyməti dəyişməz olaraq qalib
- İqtisadiyyat Göstəriciləri
- 7 Avqust 2012 12:51
İqtisadiyyat göst#601;ricil#601;ri ... 2012 August 07 ( Cümə axşamı )

Söz istəyirəm

Söz istəyirəm
- 12 Noyabr 2024, 22:48
Azərbaycan və Ermənistan hakimiyyəti xalqların iştirakı olmadan sülhü necə müzakirə edir
Dörd il əvvəl 7 minə yaxın insanın həlak olduğu İkinci Qarabağ müharibəsi başa çatdı. Daha sonra ermənilər Azərbaycanın "antiterror əməliyyatları" adlandırdığı döyüşlər nəticəsində Qarabağı tərk etdilər.

Ardını oxu
Söz istəyirəm
- 7 Noyabr 2024, 11:50
COP29 və Ukraynanın Sülh formulası
Ukraynada Rusiya təcavüzünün səbəb olduğu vəhşi, qanlı müharibə davam edir, bu müharibə hər gün insan həyatına son qoyur, evləri, infrastrukturu dağıdır, ekologiyaya və ətraf təbii mühitdə saysız-hesabsız itkilərə səbəb olur. Ukrayna bu dünyada hər kəsdən çox sülhə can atır, çünki bu Rusiya-Ukrayna müharibəsinin vəhşiliyini hər gün hiss edən bizik. Biz yaşamaq hüququ, azadlıq və ədalət uğrunda mübarizənin önündəyik. Ukrayna Avropanın və dünyanın sabit gələcəyi üçün etibarlı əsasa çevriləcək ədalətli sülh axtarır və buna yeganə alternativ yol Ukrayna Prezidenti Volodımır Zelenskinin Sülh Formulasıdır (Ukrayna Sülh Formulası).

Ardını oxu
Söz istəyirəm
- 31 Oktyabr 2024, 15:02
COP29 və siyasi məhbuslar
Sıra nömrəsindən asılı olmayaraq, ümumdünya COP tədbiri yalnız iqlim dəyişikliyinə deyil, həm də humanizmə xidmət edən bir aksiyadır. COP keçirən ölkədə siyasi məhbus ola bilməz, COP keçirən ölkə insan haqlarına hörmət etməlidir.

Ardını oxu
Söz istəyirəm
- 23 Oktyabr 2024, 01:16
Problem ondadır ki, hakimiyyət İcraçıdır, Təşəbbüsçü deyil
Bakını qərq etməkdə olan miqyaslı daşqın ərəfəsində Buzovna qəsəbəsində narahatedici hadisə baş verdi, Lada Priora avtomobili qarşısındakı yolu dağıdaraq sanki yerin altına girdi. Sürücü möcüzəvi şəkildə sağ qaldı, lakin ədalətə nail olacağına and içdi və "Azərsu" ASC-dən - dərin kök salmış korrupsiya ilə tez-tez assosiasiya olunan dövlət su təchizatı və kanalizasiya şirkətindən prokurorluğa rəsmi şikayət verəcəyini vəd etdi.

Ardını oxu