Rauf Arifoğluna mükafat verilməsi barədə sosial mediada ictimai xadimlər və jurnalistlərin fikirləri

Fikrət Hüseynli

Rauf Arifoğlu İlham Əliyevin ona mükafat verməsini "günün əsas hadisəsi" adlandırıb. Əslində isə bu günün murdar hadisəsidir. İllərdir Azərbaycanda səmimi mübarrizə aparan, döyülən, söyülən müsavatçıları, müxalifətçiləri satmağın mükafatıdır. Bu daxili işlər nazirliyinə məlumat daşımağın, 2003-cü ildə camaatı Azadlıq meydanına aparıb döydürməyin, öldürtməyin, İlham ham-ham edib xəbərdarlıq hürüşü salmağın mükafatıdır. Ümumiyyətlə, bu mükafat da deyil. Bu, yaxşı gözətçi köpəkliyinə verilən paydır. Baxın, bu bu döyülən insanları qızışdırmağın, rejimi qalib etməyin mükafatıdır... Bu millətə qarşı zombiliyə görə təşəkkürdür... Və yeri gəlmişkən, təəssüf ki, Isa Gambar və Arif Hacılın'n bu prosesə münasibəti adekvat olmadı... Görəsən meydanda ayaqlar altında qalıb ölən Həmidağa Zahidovun ruhu bunu bağışlayacaqmı susan müsavatçılara???

Gültəkin Hacibəyli

Milli Şuranın Koordinasiya Mərkəzinin üzvü Gültəkin Hacıbəyli özünün "facebook" səhifəsində prezidentin Rauf Arifoğluna əməkdar jurnalist adı verməsinə münasibət bildirib:

"İki "Yeni Müsavat"çı, iki jurnalist. Rauf Arifoğluna prezident bu gün əməkdar jurnalist adı verdi, döşünə nişan taxdı. Halal haqqıdır, elə son bir-iki ayda adam Milli Şura və AXCP-yə qarşı Fərhad kimi külüng vurub, nə böhtanlar uydurub, nə təhqirlər icad edib. Tofiq Yaqublu isə iki ildən çoxdur ki, şərlənərək həbs edilib. Lakin nə məhrumiyyətlər, nə həbs, nə də 25 yaşlı qızının faciəvi ölümü onu sındıra bilmədi. Çünki onun Allahdan Ləyaqət nişanı var".

Əzizimiz Gözəl xanım Bayramlı ilə də razıyıq. " Bu gün ən çox təbrik qəbul etməyə haqq edənlər isə həbsdə olan jurnalistlərdir. Xədicə İsmayıl, Seymur Həzi başda olmaqla yazılarına, araşdırmalarına görə həbs edilmiş vicdan məhbusu olan bütün jurnalistləri təbrik edirəm. Susdurulması üçün Milli Mətbuat günü ərəfəsində 3 yaxın qohumu şərlənərək həbs olunmuş, “Azadlıq” qəzetinin baş redaktoru, “Azərbaycan saatı”nın müəllifi dostum Qənimət bəy, böyük fədakarlıqla rəhbəri olduğu “Turan” informasiya agentliyinin müstəqilliyini qoruyub saxlamış Mehman Əliyev, dövrün azman yazarı Şahvələd Çobanoğlu, 24 illik “Zerkalo” qəzetini satmaqdansa bağlamağı tərcih etmiş Elçin Şıxlı, son illərdə yeni bir müstəqil mətbuat orqanı “Meydan tv”ni yaradıb ərsəyə gətirmiş Emin Milli başda olmaqla hər cür riskləri gözə alaraq gerçək müstəqil mətbuatı yaşadan bütün vicdanlı jurnalistləri ürəkdən təbrik edirəm. Nə yaxşı ki, varsınız. Nə yaxşı ki, belə cəsarətli, ədalətli, savadlı və vətənpərvərsiniz. Sizlərin varlığı, Azərbaycan mətbuatında hələ də azadlıq adalarının qalması böyük Zərdabinin də, Nəcəf bəyin də, Elmar bəyin də ruhunu şad edir".

İbrahim İbrahimli

...Nəticə çıxartmaq üçün ortada iki örnək var: "Azadlıq" və "Yeni Müsavat" bu qəzetlərin baş redaktorları Qənimət Zahid və Pauf Arifoğlu- 30 il eyni taleni yaşayan eyni dəyərləri bölüşən, eyni düşərgəni təmsil edən, daima təqiblərə, təzyiqlərə məruz qalan, hətta müxtəlif zamanlarda məhbəs həyatı yaşayan bu iki jurnalistlərdən biri indi 180 dərəcə bücaq altında mövqeyini dəyişib, bir zamanlar tənqid, hətta təhqir etdiyi adamın əlindən "əməkdar jurnalist" mükafatını alır və bundan sonra qalan ömrümü, bağışlayın, fəaliyyətimi sizin qurduğunuz sülalə rejiminə həsr edəcəyəm deyir...O biri isə bu, titullardan və imtiyazlardan imtina edib, sürgün həyatı yaşamasına baxmayaraq sözün hər iki mənasında qələmini süngüyə çevirib bir əsgər kimi vuruşur. Eyni gündə, milli mətbuatın 140 illiyi münasibətilə İlham Əliyev şəxsən Rauf Arifoğlunun döşünə örden taxır və elə həmən gün şəxsən Zahidovların kütləvi həbsi ilə bağlı göstəriş verir. ABSURD bax budur!

Aslan Ismayılov

Bu yaşımda gördüyüm ən böyük əxlaqsızlıqlardan biri insanın peşəsinə xəyanətidir. Xüsusilə qələm adamının peşəsinə xəyanəti isə ən böyük şərəfsizlikdir, çünki söz adamının əsas hədəfi şəxsi ləyaqət hissinə hörmətin, insan saflığının, haqqa, ədalətə hörmətin təbliğatıdır.

Mətbuat günündə peşəsinə sadiq olanları təbrik edir, nə qədər çətin olsa da, bu işdə hər birinə uğurlar və şərəfli ömür arzulayıram. Yüz illər keçsə də, bütün məhrumiyyətlərə baxmayaraq, peşəsinə sadiq olan Həsən bəy Zərdabi, Cəlil Məmmədquluzadə, Mirzə Ələkbər Sabir və digərləri bu gün də hörmətlə anılır və qələmi qarnına qulluq edənlərdən fərqli olaraq bundan sonrakı nəsillər tərəfindən də hörmətlə anılacaqlar!