Rusiyanın bloq sahəsində ilk dəfə YouTube istifadəçilərinə hicablı qızların həyatı haqqında danışmağa cürət etmiş müəslman qız peyda olub

Əslən azərbaycanlı olan yeni videoblogerin adın Aydan Məmmədovadır. Bir il əvvəl bu qız amornews.az-da öz bloqlarını dərc etməyə başlayıb, indi isə o, məşhur YouTube şəbəkəsində “Müsəlman qızın bloqu” adlı kanalın yaradıcısı və aparıcısıdır. Aydanın sözlərinə görə, rusdilli cəmiyyətin çoxdan örtülü YouTube blogerinə ehtiyacı var idi.

“Mən ingilis, türk dillərində və digər dillərdə çox sayda bloqlara baxmışam. Onların əksəriyyəti şəbəkədə çox məşhurdur, internet çox sayda insanın istifadə etdiyi bir yer olduğuna görə isə mən də düşündüm ki, bizlər, müsəlman qızlar haqqında danışmağın zamanı çatıb”, deyə Aydan qeyd edib.

Qızın ilk videosu “Müsəlman qızın həyatından bir gün” adlanır və islam cəmiyyətinin nümayəndəsinin gününü necə keçirdiyi haqqında danışır: Aydan namazın (gündə beş dəfə yerinə yetirilən ibadət) xüsusiyyətləri haqqında danışır, müsəlman qızlar üçün geyimlər nümayiş etdirir, öz fikirlərini bölüşür. Maraqlıdır ki, qız öz videolarında musiqidən istifadə etmir, yalnız səsli ifa var.

“Qəribədir ki, birinci videodan sonra başqa konfessiyaların nümayəndələri tərəfindən rəylər və suallar yağmağa başladı. Bu, onlara həqiqətən maraqlı gəlib! Onlar yazırlar: “növbəti bloqunu gözləyirəm”, “mənim üçün maraqlı idi”, “hicab gözəldir, mənim xoşuma gəlir” – deyə qız təəssüratlarını bölüşür – bu, o deməkdir ki, bu işə əbəs yerə başlamamışam”.

Bundan sonra müsəlman qız daha maraqlı videolar yazmağı planlaşdırır:

“Ümid edirəm ki, auditoriya gündən-günə genişlənəcək. Videokanalıma abunə olun və təəssüratlarınızı bölüşün. Sayımız nə qədər çox olsa, bizim haqqımızda bir o qədər çox fərqli baxışlı və fərqli konfessiyaları təmsil edən insanlar öyrənəcək!”.
 

Kanalın linki: https://www.youtube.com/channel/UCPfWgQzgOlkia8F3fOXeY3Q