![Tarixçi-alim Nəsiman Yaqublu Azərbaycan Xalq Cümhuriyyətinin 100 illiyi ilə bağlı Azərbaycan prezidentinə təkliflər göndərmişdir](https://turan.az/resized/media/2017/main/052200001668-750-500-resize.webp)
- Söz istəyirəm
- 22 May 2017, 14:35
- 43
Tarixçi-alim Nəsiman Yaqublu Azərbaycan Xalq Cümhuriyyətinin 100 illiyi ilə bağlı Azərbaycan prezidentinə təkliflər göndərmişdir
Azərbaycan Xalq Cümhuriyyətinin 100 illiyi ilə bağlı
Azərbaycan Respublikasının Prezidenti cənab ilham Əliyevə təkliflər
Hörmətli cənab Prezident! Sizin Azərbaycan Xalq Cümhuriyyətinin100 illik yubileyinin keçirilməsi ilə bağlı verdiyiniz sərəncamı təqdirəlayiq sayırıq.Həqiqətən də 1918-1920-ci illərdə mövcud olmuş Azərbaycan Xalq Cümhuriyyəti tariximizin ən şərəfli bir dövrünü təşkil edir.Eyni zamanda Gürcüstan və Ermənistan dövlətləri də gələn il tarixdə yaratdıqları demokratik dövlətin 100 illik yubileyini keçirəcəklər.Bundan əlavə, Şərqi Avropada yerləşən Polşa Respublikası da müstəqil və demokratik dövlətlərinin 100 illik yubileyini bayram edəcək.Əslində bu yubileylər çox mühüm tarixi hadisəni dəyərləndirmə yarışına çevriləcək.Bizim bu yubileydə daha çox dövlətçilik dəyərlərimizi ortalığa qoyub dünyaya tanıtmaq imkanlarımız yaranır.Biz imkan daxilində bu məqamları əldən qaçırmamalı və dövlətçiliyimizi dünyaya təbliğ etməliyik.Bundan ötrü aşağıdakı təkliflərimizi diqqətinizə çatdırır və onun reallaşmasını vacib sayırıq:
1.Azərbaycan Xalq Cümhuriyyətinin bütün müsəlman Şərqində və türk dünyasında ilk demokratik dövlət olduğunu, hüquqi və milli kültür prinsiplərinə əsaslanıb yarandığını əsas təbliğat vasitəsinə çevirmək;
2.Azərbaycan Xalq Cümhuriyyətinin yaradılması ilə aşağıdakı hadisələrin də 100 illik yubileylərinin keçirilməsi vacibliyinin önə çəkilməsi:
a) Azərbaycanda ilk demokratik və hüquqi dövlət təsisatlarının yaradılması (Nazirlər Şurası,Hüquq - mühafizə orqanları,Milli Ordu və s (26 iyun,1918-ci il);
b)Azərbaycanın ilk qanunverici orqanı olan Azərbaycan Parlamentinin yaradılması ( 7 dekabr,1918-ci il);
c)Azərbaycan dilinin dövlət dili olması haqqında ilk qərarın verilməsi (21 iyun,1918-ci il);
d)Azərbaycanın üçrəngli bayrağının dövlət bayrağı olaraq qəbul edilməsi (9 noyabr 1918-ci il);
e)Azad mətbuatın fəaliyyətini təmin edən senzuranın ləğvi (9 noyabr, 1918-ci il);
ə)Azərbaycanın dövlət maraqlarını ciddi təbliğ edən "Azərbaycan" qəzetinin yaranmasının 100 illiyi(15 sentyabr 1918-ci il);
3.Azərbaycan Xalq Cümhuriyyətinin qurucuları olan M.Ə.Rəsulzadənin, Ə.M.Topçubaşovun, F.Xoyskinin,N.Yusifbəyli və digərlərinin əsərlərinin toplanıb nəşr edilməsi,onların fəaliyyəti ilə bağlı sənədli filmlərin hazırlanması.
4.Azərbaycan 1920 - ci ildə işğal edildikdən sonra ayrı-ayrı ölkələrdə mühacirət həyatı yaşamış Cümhuriyyət qurucularının həyat və fəaliyyəti ilə bağlı olan sənədlərin toplanılıb Azərbaycana gətirilməsi.
5.Azərbaycan Xalq Cümhuriyyəti qurucularının məzarlarının Azərbaycana gətirilməsi, bu reallaşmazsa onların xarici ölkələrdəki məzarlarının dövlətin diqqətində saxlanılması və təmir edilib abadlaşdırılması.
6.Xarici ölkələrdə yaşayıb Azərbaycan Xalq Cümhuriyyəti dövrünü araşdıran tədqiqatçıların yubiley tədbirlərinə cəlb edilməsi və onların iştirakı ilə beynəlxalq elmi konfransın keçirilməsi(məsələn, ABŞ-da Odri Alşdatd,Türkiyədə Səbahəddin Şimşir, Rusiyada Salavat İsakov və b.)
7.Azərbaycan Xalq Cümhuriyyəti ilə bağlı olan sənədlərin və eksponatları toplanılıb ayrıca bir muzeydə saxlanılması və nümayiş etdirilməsi.
Cənab Prezidentin diqqətinə çatdırırıq ki, təkliflərimizin reallaşması üçün müəyyən şərait yaradılarsa biz bu sahədə fəallıq və istənilən köməyi göstərə bilərik.
Hörmətlə, Nəsiman Yaqublu,
Tarix elmləri doktoru,
"Məhəmməd Əmin Rəsulzadə Mərkəzi"nin sədri.
19.05.2017
-
- İqtisadiyyat
- 22 May 2017 13:40
-
- İqtisadiyyat
- 22 May 2017 14:51
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz