Hörmətli cənab Prezident!
İndiki şəraitdə nə Avropa Şurasına, nə ATƏT-ə,nə də digər Beynəlxalq qurumlara yox, məhz Sizə müraciət edirəm. Bəlkə də Sizin çıxışlarınızın birində eşitdiyim sözlər olmasaydı müraciət etməzdim.Söyləmişdiniz ki,bir zamanlar vəzifədən çıxdıqdan sonra təqib edilən atanız mərhum Heydər Əliyevə görə Sizi ciddi təqib edirdilər və bu da Sizə pis təsir göstərirdi.Və bu hissləri yaşamış bir insan olduğunuzu düşünüb tam səmimiyyətlə Sizə müraciət etməyi qərara aldım.
Cənab Prezident! Azərbaycan Respublikasının mövcud qanunlarına uyğun olaraq bu ilki Parlament seçkilərində iştirak məqsədi ilə namizədliyimi doğulub boya –başa çatdığım Zəngilan-Qubadlı bölgəsindən-125 saylı Seçki Dairəsindən irəli sürdüm.Müvafiq sayda imzaları toplayıb Dairəyə verdikdən sonra maraqlı hadisələr başlandı.Hər iki rayonun İcra Hakimiyyətinin nümayəndələri birbaşa olaraq YAP-ın namizədi olan İmamverdi İsmayılovun müdafiəsi məqsədi ilə (bəzi məlumatlara görə onun təhriki ilə) mənə səs verən insanlara qarşı təzyiqlərə və hədə-qorxu kampaniyasına başladılar.Onlara təsir edib hətta imzalarından da imtina etdirdilər.Rayon icra strukturlarında və oraya yaxın orqanlarda çalışanları isə işdən qovmaqla hədələdilər.Və İcra strukturlarının bu müddətdə keçirdikləri bəzi rəsmi tədbirlərdə isə şəxsən Sizin adınızı səsləndirib artıq keçmiş 20-illik deputat və indiki namizəd İmamverdi İsmayılovu dəstəklədiyinizi açıqca bildiriblər.Oktyabrın ayının 6-da isə müxtəlif və əsassız bəhanələrlə namizədliyimi qeydə almadılar.Əlbəttə mənim bu müraciəti etməkdə məqsədim hüquqlarımın qorunmasına diqqətinizi cəlb etmək deyil, başqa bir problemdir(baxmayaraq ki, bu da vacibdir və istəsəniz bu pozuntuları yaradan icra nümayəndələrini və 20 illik deputat İ.İsmayılovu lazımınca cəzalandırıb hüquqlarımı bir Azərbaycan Prezidenti olaraq qoruya bilərsiniz .
Cünki Siz yalnız İ.İsmayılovun və Zəngilan-Qubadlı İcra nümayəndələrinin deyil,həm də digər vətəndaşların Prezidentisiniz).Narahatçılığım mənə imza verənlərin hətta qeydiyyata alınmadığımdan sonra da incidilməsi və təqib olunmasıdır.Mən o insanları çox sevirəm.Onlarla bir eldə,bir obada böyümüşəm.Onlar da mənim gördüyüm işlərlə,yazdığım tarixi kitablarla, Azərbaycan dövlətçiliyini hər şeydən uca tutmağım və ciddi təbliğat aparmağımla fəxr ediblər. Indi bu insanlar incidilir.İncidilənlərdən biri Azərbaycan Xalq Cümhuriyyəti haqqında yazdığım kitabı ona təzyiq edən İcra nümayəndələrinə göstərib “axı bu kitabı yazan adamın günahı nədir ki?”-deyib.İndi mən ölkə Prezidenti olaraq Sizə həmin sualla müraciət edirəm:Cənab Prezident axı mənim günahım nədir və bu millətə,xalqa imkanım daxilində hansı xidmətləri göstərməmişəm?1993-cü ildə könüllü olaraq Azərbaycan ordusuna xidmətə getmişəm,Bakı və Sankt Peterburq Universitetlərində Azərbaycan və rus dillərində təhsil almışam, doktorluq işimi müdafiə etmişəm, 15-dən çox tarixi kitablar yazıb xalqı maarifləndirmişəm,22 ildən artıqdır ki,Bakı Dövlət Universitetində Mətbuat tarixindən mühazirələr oxuyub yüzlərlə tələbəyə ali təhsil vəsiqəsi vermiş,onları vətənpərvərlik ruhunda böyütmüşəm.
M.Ə.Rəsulzadə,Ə.M.Topçubaşov,Ü.Hacıbəyli,H.Zərdabi,Ə.Hüseyinzadə haqqında, mətbuat tariximiz haqqında, ermənilərin xalqımıza qarşı olan soyqırımları haqqında ciddi araşdırmalar aparıb Azərbaycanda,Rusiyada,Polşada və Türkiyədə dəyərli məqalələr, kitablar çap etdirmişəm.Və indi bu situasiyanı görəndə bir dssident rus şairinin misralarını xatırlayıram:”Mən Vətəni sevmək istəyirəm, lakin buna imkan vermirlər”.Vətəni sevmək,dövlətçiliyi qorumaq,ölkə mənafeyini hər istəkdən üstün tutmaq bütün vətəndaşların müqəddəs borcudur.Jurnalistlərlə gorüşdə Professor Şirməmməd Hüseynovun Ü.Hacıbəylinin “hər şey vətən üşün,hər şey millət və dövlət üçün” sözlərinə böyük diqqət verdiyinizi həmkarım və Sizin “Şöhrət” ordeni verdiyiniz hörmətli alim özü səmimiyyətlə qeyd edirdi.Deməli, bu mövzuda yazan və çalışan insanlara sayğılarınız var.İndi həmin o mövzuda yazan bir vətəndaş Sizə hüquqlarının pozulması ilə bağlı müraciət edir.Və inanıram ki, Siz bu problemin həllinə diqqətli olacaqsınız.Bu həm də tarixdə qalacaq və həmişə yazdığım kitablarda,eləcə də Sizin Prezidentlik dövrünüzdən gələcək illərdə yazıb araşdıracaq tədqiqatçıların əsərlərində yer alacaq bir müraciətdir.
Cənab Prezident! Bu son iki ildə Sizə ikinci müraciətimdir.Birinci müraciətimi M.Ə.Rəsulzadənin nəvəsinin müalicəsinə kömək göstərməyinizlə bağlı etmişdim (Xalq Yazıçısı Elçinin vasitəsi ilə).Sağ olun ki,bu müraciətimə diqqətli oldunuz və onun Almaniyada müalicəsini təşkil etdiniz.Bu isə mənim bir ziyalı, bir alim,jurnalist və tədqiqatçı olaraq olaraq Sizə ikinci müraciətimdir. Xahiş edirəm ki, mənə dəstək olmuş insanların hüquqlarını qoruyasınız!
Sizə hörmətlə, Nəsiman Yaqublu, Tarix elmləri doktoru
Bakı Dövlət Universitetinin dosenti
“Məhəmməd Əmin Rəsulızadə Mərkəzi”nin sədri
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz