Yalnız qorxaqlar qiymətləri belə qaldırır:

1.      Hələ dünən maaşların artırılması haqqında xəbəri oxuduqda evdəkilərə dedim ki, yeni ildən dəqiq tariflər də artırılacaq. Yanılmışam. Artım elə bu gündən başladı.

2.      Benzinin bahalaşması avtomatik olaraq hər şeyin bahalaşmasına gətirib çıxaracaq. Kimsə bunu nəzərə alıb?! Hətta məmurların belə (başqalarını heç demirəm) maaşlarındakı artımın məhsul qiymətlərindəki artımı kompensasiya etdiyinə şübhə edirəm...

3.      Zənnimcə birdəfəlik qiymət artımı ilə hər şeyin başa çatmayacağını anlamaq üçün iqtisadçı olmaq lazım deyil. Qiymətlər indi qalxacaq, yeni ildən sonra bir daha, Novruz ərəfəsində yenidən bahalaşacaq...

4.      Hakimiyyətdə ictimai rəylə işə görə cavabdeh olanlar, bilin ki, xalqın qisası ağır olacaq, sonra deməyin ki, Sizə xəbərdarlıq edilməyib. İnsanların hiddət partlayşından daha pis və dəhşətli heç nə yoxdur. Xalq hakimiyyətdə heç kimin onlarla hesablaşmadığını gördükcə, bu partlayış daha da güclü olacaq. İndi bu insanların nə qədər səbr etdiyini və cavabın necə güclü olacağını özünüz təxmin edin.

5. Kimsə düşünürsə ki, beynəlxalq zənglərin tariflərini azaltmaqla benzin tariflərinin artımını kompensasiya etmək olar, o, açıq-aşkar naşıdır. İnsanlar çoxdandır şəhər telefonu ilə bir-birinə zəng etmir. Skype, Viber, Tango, Watsapp... saymağa davam edim?.. Odur ki, lənət olsun sizin azaltdığınız telefon xətti çəkilməsi tariflərinə... İnsanlar çoxdan gərəksiz olduğu üçün şəhər telefonlarını kəsməyə başlayıblar.

6. Mənə ən çox maraqlıdır ki:

a) tarif artımına nə səbəb olub? Büdcədə pul çatmır? Onda bəlkə az oğurlayasınız?! Yoxsa növbəti dəfə hər şeyi son istehlakçı ödəməlidir? İmkan verin insanlar normal yaşasın, qiymətləri azaldın, inhisarı aradan qaldırın, gömrük və vergi xidmətini ələ alın ki, insanlar müstəsna olaraq qanunla ödəsinlər (əvvəlcədən vergi və gömrük tariflərini azaldaraq) və bundan sonra istərsə ömrünüz boyunca siyasətinizlə oynayın...

b) tariflərin artırılması haqqında qərar, təbii ki, dünən qəbul edilməyib və obyektiv səbəb var idisə, o, bu gün yaranmayıb. Bəs yaxşı, niyə bu yaxınlarda keçirilən prezident seçkilərində heç kim qarşıda duran bahalaşma haqqında heç nə demədi?! Axı bahalaşma olacağını elan etmək və yenə də qalib gəlmək daha ədalətli olardı, elə deyilmi?..

c) bütün bu tarixçədə yeganə kişi adam Samir Şərifov – maliyyə naziri oldu. O, bahalaşma gözləmək lazım olduğunu bəyan etmişdi. İndi deyin görüm, cənab digər məmurlar, niyə riyakarlıq edib, elə bu yaxınlarda heç nə gözləmək lazım olmadığını deyirdiniz?! Ala, dolayırsınız milləti?!

7. Nəhayət, niyə dünən iclası keçirilən Tarif Şurasının qərarı bu gün açıqlanır? Millətlə qoz-qoz oynayanda gərək millətdən qorxmayasınız... Belə də ki, bu, qiymətlərin ən qorxaqcasına bahalaşdırılmasıdır. Və ən alçaq – Yeni İl qabağı hədiyyədir sanki. Səmimi qəlbdən təşəkkür edirik!