İnflyasiya başladı, bu, hələ başlanğıcdır
Bazarların qarşılıqlı təsiri qanununa əsasən, Azərbaycanda təkcə mal və xidmətlərə tənzimlənən qiymət və tariflər yox, başqa mal və xidmətlər də bahalanacaq, deyə iqtisadçılar bildirir. Ona görə, 2014-cü ildə inflyasiya ikirəqəmli olacaq, deyə onlar proqnozlaşdırırlar.
İqtisadçı ekspert Qubad İbadoğluya görə, yaxın günlərdə Tarif Şurası şəhərdaxili, şəhərətrafı və qəsəbələrarası marşrutlarda sərnişin daşıma xidmətlərinin qiymətini artıracaq. Tezliklə elektrik enerjisinin, təbii qazın, suyun pərakəndə satış tarifləri də bahalaşdırılacaq. Labüd olaraq ərzaq da bahalanacaq. İqtisadçılar əmindir ki, qeyri-ərzaq malları və pullu xidmətlərin qiyməti də artacaq. Bu isə aztəminatlı əhalinin həyat səviyyəsinə zərbə vuracaq. Hələlik əhali hökumətin qərarına reaksiya verməyib. Sürücülər benzin və dizel yanacağının bahalanmasına vərdiş edir.
İllik 3,5% inflyasiya proqnozlaşdıran hökumət ilk növbədə dövlət büdcəsini doldurmaq istəyir. İnflyasiya 2014-cü ildə dövlət büdcəsinə 700-800 mln manat gətirəcək, deyə iqtisadçı Rövşən Ağayev bildirir. Amma büdcə təşkilatlarının istehlakı hesabına kommunal xərclər 350 mln manat artacaq.
96 saylı avtobusun sürücüsü bildirir ki, dizel yanacağı 33,3% artsa da, “Transgeyt” şirkəti bu gün ondan həmişəki planı tələb edəcək. «Əgər sabah və ya biri gün gediş haqqı artırılmasa, sürücülər reysə çıxmayacaq», deyə o qeyd edib. 08B
-
- Söz istəyirəm
- 3 Dekabr 2013 12:08
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz