![Zülmətxana mehmanları](https://turan.az/resized/750/500/resize/media/2017/main/090100004313.jpg)
Koreya yarımadasının gecə vaxtı kosmosdan çəkilən məşhur bir şəkli var. Yarımadanın cənub hissəsi çıraqbandı, şimalısa zülmət qaranlıq. Şimali Koreyada sözün iynə gözü boyda azadlığı yoxdu - elə qaranlığın tək səbəbi də budu!
Azad sözü boğmaqla biz də özümüzü, ətrafımızı qaranlıq zülmətə qərq edirik. Abşeronun hər neft quyusunu məşələ çevirsək belə işıqlatmayacaq bir qaranlığa.
"Əlcəzirə" kanalı iyirmi neçəsə ərəb ölkəsində mövcud olan minlərlə TV, radio, qəzet, agentliyin cəmindən daha böyük informasiya mənbəyidi. Bütün dünya ərəbi "Əlcəzirə"də eşidir. Niyə? Sözü azad deyir, ona görə!
Dünyada səsinin eşidilməsini istəyirsənsə, söz və ifadə azadlığına meydan verəcəksən. Çünki dünyada yalnız sərbəst ifadə olunan sözə inanır, dəyər verir, eşidirlər.
Anar Məmmədxanlının "day.az" saytı ümumrus media arealında boy verməyə başlamışdı. "Zerkalo" bütün Qafqazda ən iri rusdilli qəzet idi. "Turan" informasiya agentliyi dünyanın aparıcı mətbuatının, analitik araşdırma mərkəzlərinin istinad mənbəyiydi. Onlar buna öz səhifələrində sözün cilovunu azad buraxmaqla nail olmuşdular.
"Dünya ictimaiyyəti bu ədalətsizliyə hələ də susur", deyə car çəkirik. Hansı haqla dünyadan ədalət istəyirik? "Dünya ictimaiyyəti"nin ədalətli sözün yanında durduğunu bilə-bilə.
"Azərbaycan həqiqətləri"ni beynəlxalq aləmə nəylə çatdırırıq? Səsi mikrorayona yetməyən "Səs" qəzetiyləmi?
"Turan" azad mətbuatımızın qaranquşlarındandı. İndi ocağın son şöləsi kimidi. Azad mətbuat ocağımızı Zərdabi üfürə-üfürə közərdib, Mirzə Cəlil alovlandırıbsa, Mehman Əliyev də bu anadək qoruyub.
Bu gün Mehman Əliyevi həbs edib, "Turan"ı qapadırıq. Həm dövlət, həm də xalq olaraq.
Əslindəsə özümüzü zülmətxanaya salırıq. Elə zülmət dünyasına ki, oradan heç bir mehmanın xilasına təminat yoxdu.
Qapadanların belə...
25 avqust 2017
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz