Beynəlxalq birlik Azərbaycanda hüququn olmadığını göstərməlidir

“BMT əsas insan hüquq və azadlıqlarının yerinə yetirilməsi ilə bağlı Azərbaycan hökumətinə tövsiyələr vermək niyyətindədir” , - Reportyorların Azadlığı və Təhlükəsizliyi İnstitutunun (RATİ) rəhbəri Emin Hüseynov “Obyektiv”TV-yə bildirib.  

Ölkə Avropa Şurasına, ATƏT və digər beynəlxalq təşkilatlara daxil olandan sonra ratifikasiya edilmiş konvensiyaları pozub.

Onun sözlərinə görə, Azərbaycan hökuməti öz öhdəliklərini yerinə yetirmir. Bura jurnalistlərin yaşamaq və onların şəxsi həyatının toxunulmazlığı hüququnun təminatı da daxildir.  Jurnalistlərə qarşı zorakılıqlara görə heç kim cəzalandırılmır ki, bu da KİV işçilərinin siyasi motivlərlə həbsinə və saxlanmasına 

səbəb olur. Qanunverici şəkildə ifadə azadlığı məhdudlaşdırılır, KİV üzərində dövlət nəzarəti həyata keçirilir.

Azərbaycan Avropa Şurasına daxil olduğu vaxtdan (25 yanvar 2001-ci il) jurnalistlərlə yüzlərlə hücum olub, onlardan ikisi (“Monitor” jurnalının təsisçisi Elmar Hüseynov və yazıçı publisist Rafiq Tağı) öldürülüb.

Hökumət jurnalistlərin şəxsi həyatına müdaxilə edir (Qənimət Zahid, Azər Əhmədov, Xədicə İsmayılova və başqaları), onlara  psixoloji təsir göstərir. Hakimiyyətə sərf etməyə onlarla jurnalist ölkədən sıxışdırılıb çıxarılıb və mühacirətdə yaşamağa məcbur olub.  

Azərbaycan BMT-nin korrupsiya əleyhinə Konvensiyasını ratifikasiya edib. Şəffaflığın təmin olunmasının əvəzinə ölkə parlamenti firma və şirkətlərin təsisçiləri haqda məlumatları qanunverici şəkildə məhdudlaşdırıb. Bu, ondan ötrü edilib ki, onların mənsubluğu gizli saxlanılsın, çünki sahibkarların böyük əksəriyyəti yüksək vəzifəli məmurlardır ki, bu da beynəlxalq standartlara ziddir. Bu cür məhdudiyyətlər informasiya azadlığına ziddir, korrupsiya faktlarının araşdırılmasına və dərcinə əngəl törədir.

Bütün bunlar barəsində BMT sessiyasında danışılıb. Azərbaycandan Hüseynovdan başqa həmçinin Hüquqi Maarifləndirmə Cəmiyyətinin sədri İntiqam Əliyev və İnsan hüquqları Klubunun sədri Rəsul Cəfərov çıxış ediblər. Onlar ölkə vətəndaşlarının üzləşdiyi əsas hüquq və azadlıqların pozulması məsələsinə toxunublar.

Forumda bir çox dövlətim nümayəndələri çıxış ediblər. Avropalılar gender bərabərliyi, həddi-büluğa çatmayanların müdafiəsi, heyvanlar və ekologiya problemləri haqda danışıblar. Bu fonda Azərbaycanda həyat, toplaşma, ifadə, özəl mülkiyyət azadlığına təminatın olmaması nonsensdir. 

Əgər hökumət vətəndaşlarla dialoq qurmursa və qeyd olunan problemləri həll etməyə çalışmırsa, ölkəmiz dünya inkişafından kənarda qalacaq, - Hüseynov vurğulayıb.--17D—