Hacı Əbdül: «Ona alternativ yoxdur»

Vətən Naminə Xalq Hərəkatı Birliyi (VNXHB) bu yaxınlarda Heydər Əliyev Fondunun prezidenti, deputat Mehriban Əliyevanın birinci vitse-rezident təyin olunması mövqeilə bağlı bəyanatla çıxış etdi. Bu təşəbbüslə Birliyin sədri ,“Imam Hüseyn” məscidi icmasının rəhbəri Hacı Əbdül Əbdülov çıxış etdi. Bunu da xatırlatmaq yersiz olmaz ki,2013-cü ilin prezident seçkilərində də Birlik eyni təşəbbüslə çıxış edərək prezidentliyə Mehriban Əliyevanın namizədliyini dəstəklədi.Turan agentliyi belə bir təşəbbüsün irəli sürülməsi motivləri ilə maraqlandı.

-Hacı, niyə hər hansı başqa namizədin yox, məhz Mehriban xanım Əliyevanın namizədliyini əsas hesab edirsiniz?

-Bislmllahi Ərrəhman Ərrəhim. Bu çoxlarını düşündürür ki, bir dini icma rəhbəri, bir dindar niyə bir xanım namizədi birinci vitse-prezidentliyə layiq görür. Dini bxımdan yanaşsaq bir qadın peyğəmbər yoxdur, bir qadin imam yox, bir qadın ruhani də yoxdur. Bu halda bir dindarın bu namizədi əvəzedilməz sayması nədən irəli gəlir? Bu bu gün dinin taleyi həll olunmur, ölkənin taleyindən danışırıq. Mən də xalqın içində olan adam kimi Mehriban xanıma olan izzət-ehtiramdan xəbərim var. Bunu bildiyim üçün, bu namizədi əsas sayıram. Mehriban xanım bu xalqın dərdini bilən bir şəxsdir. Həm də bunu da nəzərdə saxlamaq lazımdır ki, Mehriban xanım Azərbaycanı düynyaya tanıdan şəxslərin ön sırasında gedir. Yəni, ölkənin problemlərinin harada olduğunu, nədən ibarət olduğunu daha yaxşı bilir. Odur ki, bu xanımın fəliyyəti bizi bu seçimi etməyə gətirib.

-Mehriban xanım, daha çox mədəni və sosial sahədə fəaliyyətini cəmləşdirib, siyasi sahə bu tamamilə fərqli bir meydandır...

- Doğru. Amma bunu da deyək ki, mən buna sosail sahə demirəm. Bu daha çox insanlıq məsələsidir. Millətin xəstəsi, ümidsizi, sabaha inamı olmayanı olur. Rayonlara çıxanda Mehriban xanımın xehirxahlığının miqyasını daha çox görmək olur. Bu təkcə bir insana, bir xəstəyə, bir ümidiszə olan münasibət deyil. Bu, fikrimcə, bütünlükdə xalqa münasibətin təzahürürdür, bu mənəviyyat məsələsidir. Odur ki, bu seçimi etmişik. Yəni, biz təsadüfən bu düşüncəyə gəlməmişik ki, M.Əliyeva birinci vitse-prezident olsun. Onun fəaliyyəti, bizdə bu namizədi əsas saymaq zərurəti yaradıb. Mehriban xanım dünyada tanınan, dünyanın tanıdığı simalardan biridir. İstər Şərq, istər Qərb dünyasında ünlü isimlərdən biridir. İndi bir deputat, Heydər Əliyev Fondunun prezidenti kimi fəaliyyəti var. Əgər, birinci vitse-prezident olarsa həm səlahiyyət dairəsi, bundan da irəli gələrək fəaliyyət dairəsi genişlənər. O zaman əməli işlərin həcmi daha da artar. Böyüklər əbəs yerə deməyiblər: “Aslanın erkəyi dişisi olmaz”. Yəni, xanım olaraq öz fəaliyyətini bütün dünyaya daha geniş miqyasda tanıda biləcək.

-Əslinə qalarsa bu gün xanım siyasətçilər çoxalır...

-Bəli, Avropada, Şərqdə, xanım siyasətçilər olub, indi də var. Bizdə də olsun. Şərqdə ilk demokratik respublikanın təmsilçisi kimi bunu haqq etmişik.Yenə də təkrar edirəm ki, M.Əliyevanın birinci vitse-prezident olmasını xalq bayram kimi qəbul edəcək. Bunu da təsadüfən demirəm, xalqın içində olan bir adam kimi deyirəm. Bu millətin də anası olmalıdır, zaman və şərait elə gətirib ki, bu status Mehriban xanımı ilk sıraya çıxarır. Bu unsanda mərhəmətdən şəfqətə qədər bütün insani kefyiyyətlər var. Mehriban xanım xalqın istədiyini, xalqa lazım olanı edəcək, heç kəsin qarışısında da öhdəliyi yoxdur.

Almaniyada kansler qadındır. Böyük Britaniyanın baş naziri qadındır. Fikrimcə, M.Əliyeva bir çox keyfiyyətlərinə görə, bu şəxslərdən fərqlənir və deyərdim ki, hətta üstündür. Odur ki, M.Əliyevanın da dünyanın xanım siyasətçiləri sırasına qoşulması zamanı və vaxtıdır.

-Hacı, yəni bu namizədliyi dəstəkləyən çoxdur?

-Nə qədər bizim kimi düşünənlər var ki, Mehriban xanımın birinci vitse- prezidentliyə namizədliyini dəstəkləyirlər. İndiki məqamda, yəni, əlində siyasi səlahiyyət olmadığı halda bu qədər işləri icra edən Mehriban xanım birinci vitse- prezident kimi səlahiyyətə malik olduqda görün hansı fəaliyyəti göstərə bilər. Bunu da deyim kimsə də düşünməsin ki, M.Əliyevaya alternativ ola bilər. Əgər belə bir alternativ olsaydı onu dəstəklərdik. Demək istəyirəm ki, bu xanıma qarşı alternativ də yoxdur. Bunu açqılamaqdan məqsədim nədir? Bundan xəbərdar olmayanlar, bunu biməyənlər də, eşitməyənlər də M.Əliyevaya dəstək versinlər,səslərini ümumi səsə qatsınlar. Bu xanımın namizədliyindən, daha sonra birinci vitse-prezidentliyindən bu xalqa zərrəcə ziyan yoxdur, ançaq xeyir var, vəssəlam. Milləti birləşdirməyi, milli birliyi, vəhdəti ancaq Mehriban xanım yarada bilər və əslinə qalsa bu birlik onun fəaliyyətinə bağlıdır. Xalq bir nəfər kimi onun ətrafında birləşərək ölkənin önündə duran problemləri həll edə biləcək. Kim qoşulmayacaqsa, bu da millətin birliyini istəməmək kimi dəyərləndiriləcək. Düşüncəmə görə, Allah bizə bir fürsət verib, bundan istifadə edərək ölkənin problemlərini həll etmək lazımdır.Bunu görə bilməmək üçünsə, ancaq kor olmaq lazımdır. Şəxsən mənim Mehriban xanıma inamım həddən artıqdır və bu inam olmasaydı bu barədə heç danışmazdım.

-Bu yöndə hər hansı bir flaiyyət göstərməyi düşnürsünüzmü?

- Konstitusiyaya görə, bu vəzifə seçkili deyil, Prezidentin sərəncamına bağlı məsələdir. Amma daxili test olsa ki, nə qədər vətəndaş M.Əliyevanı dəstəkləyir, imza toplamaq gərəkərsə, biz yüzminləri buna cəlb edərik. Bu xalq üçün vacib məsələdir, ona görə də bunu edərəm.

- O zaman İlham Əliyev prezident, xanımı birinci vitse-prezident olur, hələ ki, dünyada belə təcrübə yoxdur, bu məsələni necə həll etmək olar? Yəni dünyada prezidentin və xanımının eyni zamanda rəmsi vəzifə daşıması kimi təcrübəsi olmayıb…

-Başa düşürəm. Amma ortada başqa məsələ də var. Biz Mehriban xanımın namizədliyini ona görə irəli sürmürük ki, ölkənin birinci xanımı, deputat, ya Heydər Əiyev Fondunun prezidentidir. Biz bu namizədliyi ona görə dəstəkləyirik ki, bütün fəaliyyətilə buna layiqdir. Biz bu yerə laiyq olduğu üçün onun namizədliyini irəli sürürük. Məsələnin mənəvi tərəfi onun bu vəzifəyə layiq olmasıdır. Məsələnin hüquqi tərəfi bizə bağlı deyil. Amma biz konkret olaraq layilqi namizədi xalqa göstəririk.

- Siz yenə də bu düşüncədəsiniz ki, M.Əliyevaya alternativ yoxdur?

-Bəli, özü də birmənalı. Birinci vitse-prezidentlik məsələsində Azərbaycanda Mehriban xanımla rəqabət apara biləcək bir şəxs yoxdur. Burada mənim gördüyüm bəzi məsələlər var. M.Əliyeva böyük syasi ailə mühitinin içində yaşayıb. Bu dəsti- xətti, üslubu görüb. Bir var eşidirsən, kimsə deyir, bir də var ki, bunu şəxsi həyatında yaşayırsan. M.Əliyeva bunu şəxsi həyatında yaşayıb və indi də yaşamaqda davam edir. Bax, fikrimcə, bu məqam olduqca önəmlidir. Bu siyasətdə icra işi deyil, düşünmək və addım atmaq məqamıdır. Dünya çapında baş verən hadisələr formatında öz ölkən üçün doğru olan qərarı qəbul etmək bacarığıdır. Yəni, durub desək ki, Azərbaycan təkbaşına özünə sərf edən qərar qəbul edəcək, bu inandırıcı görünmür. Dünyanın böyük dövlətləri belə qarşılıqlı maraqlar kimi anlayışdan irəli gələnləri arxa plana keçirmir. Amma, bizim kimi kiçik dövlətin qərar qəbul etməsi və necə qərar qəbul etməsi onun taleyinə bərabər olur. Burada siyasi ustalıq və siyasi incəlik ön plana çıxır. Ona görə deyirəm ki, M.Əliyeva böyük siyasi mühitin içində yaşayıb, bu incəliyin nədən ibarət olduğunu daha yaxşı bilir.

Yenə də deyirəm ki, bu namizədə üstünlük verməyimiz təsadüfi deyil. Bu mövqe indiki siyasi tələblər və dünyada sözü eşidilmək zərurətindən yaranıb.