İsa Qəmbər: Ülvi ideallı cümhuriyyət korrupsioner rejimlə müqayisə olunmaz

Müsavat Partiyasının başqanı İsa Qəmbər Azərbaycanda Respublika günü ilə bağlı “Amerikanın Səsi” radiosuna müsahibə verib.

Partiya lideri 1918-20-ci illər və 1991-ci ildən bu yana mövcud olan cümhuriyyətlər arasında paralellər aparıb. İ.Qəmbərə görə, yalnız 1992-93-cü illər Elçibəy və 1918-20-ci illər hakimiyyətləri milli demokratik hakimiyyət dövrü sayıla bilər.  

İ.Qəmbərə görə, Elçibəy hakimiyyəti və 1918-20-ci illər cümhuriyyət dövrü eyin hədəf və məqsədlərə xidmət edib. Fərqlər isə daha çox obyektiv şəraitdən doğan fərqlərdir. Müsavat liderinə görə, hakimiyyətin Əliyev dövrülə əvvəlki dövrləri müqayisə oldunduqda isə diametral fərqli situasiya yaranır. Əgər əvvəlki cümhuriyyətlər dövründə insan azadlıqları, vətəndaş haqları üstün tutulurdusa, əksinə Əliyev hakimiyyəti dövründə bütün insan hüquq və azadlılqları tapdalanmağa başlayıb. “Ona görə də indiki korrupsioner rejimi, hakimiyyəti o zamankı təmiz, saf, ülvi ideallarla yaşayan cümhuriyyət hakimiyyətilə müqayisə etmək olmaz”, - deyə partiya lideri iki dövr arasında paralellər aparıb.

İ.Qəmbər 1918-20-ci illərdə mövcud olan cümhuriyyət dövründə bütün real siyasi qüvvələrin parlamentdə təmsil olunmasına diqqət çəkib. İndi isə ölkə parlamentinə xlaqın seçdikləri yox, rejimə “ləbbeyk” deyənlərin daxil olduqları vurğulanıb. O zaman ölkədə azadlıqlar inkişaf edirdisə, indisə əksinə ilbəil azadlıqlar məhdudlaşdırılır. O zaman ilk dəfə qadınlara seçkilərə qatılmaq hüququ verilmişdisə, indi xalqın əksəriyyəti bilərəkdən seçkilərdən kənarda saxlanılır.

İndiki iqitdar ağına-bozuna baxmadan fərlqi düşünən, ləyaqətlə yaşamaq istəyən insanları həbsə atır. Bunu isə hakimiyyətin azadlıqlara münasibətinin göstəricisi saymaq olar.  

Hər iki hakimiyyətin xarici siyasət kursuna toxunan İ.Qəmbər cümhuriyyət dövrülə Elçibəy hakimiyyətinin fəaliyyətinin üst-üstə düşdüyünü söyləyib. O, cümhuriyyətin Avropaya inteqrasiya yönü götürdüyünü, indiki hakimiyyətin isə Avropada ancaq pullarını saxlamaq istədiyini qeyd edib. Amma indi dünya birliyinin müstəqil dövlətlərin varlığına təminat vermələrinə diqqət çəkilib.

Müsahibəsində xalqı təbrik edən Müsavat başqanı ölkədə baş verən neqativləri ölkə müstəqilliyinin yox, məhz  hakimiyyətədəki iqtidarın idarəçiliyinin mənfi nəticəsi kimi dəyərləndirib. Xalqı heç bir halda müstəqilikdən üz döndərməməyə. ölkədəki mənfiliklərə görə müstəqilikdən bezməməyə çağırıb.

İ.Qəmbər xaricdə yaşayan azərbaycanlıları təbrik edərək, hakimiyyəti xaricdəki azərbaycanlılara sahib çıxmamaqda ittiham edib. Həm də xalq öz gerçək hakimiyyətini formalaşdırdıqda, bu məsələlərin həllini tapacağını bəyan edib. -05D-