"People İn Need" ittihamlara cavab verdi

Təşkilatın koordinatoru hökumətyönlülərin yalanlarını ifşa etdi

 

Son günlər Batumidə Vətəndaş Cəmiyyəti Forumunda baş verən hadisələrlə bağlı qalmaqallar səngimir. Azərbaycanın nümayəndə heyətinin üzvlərinin dedikərində ziddiyyətlər var. Mövzu ilə bağlı iddia və ittihamlara açıqlıq gətirmək üçün People İn Need təşkilatının İnsan haqları müdafiəsi və demokratiyanin inkişafı üzrə Şərqi Avropa  proqramının koordinatoru İvana Skalova ilə müsahibəni təqdim edirik. 

 

- Suallara cavab vermədən öncə biz Batumidə baş verən insidentlə bağlı qısa arayış vermək istərdik. Xüsusi vurğulayırıq ki, sərginin təşkil olunmasının Ermənistan və Dağlıq Qarabağ münaqişəsi ilə heç bir əlaqəsi yox idi. Sərginin təşkili tamamilə Azərbaycanda son aylar pisləşən insan haqları məsələsi və siyasi məhbusların təxirəsalınmaz sağlıq problemləri ilə əlaqəli idi. 

 

Qeyd etmək istərdik ki, Azərbaycan nümayəndə heyətindən heç kəs bu problemin Azərbaycanda mövcud olmasını inkar etmədi. Azərbaycan nümayəndə heyətinin bəzi üzvlərinin ordakı fəaliyyəti Vətəndaş Cəmiyyəti Forumunun İdarə Heyəti tərəfindən rəsmi şəkildə psilənib, Yeni Müsavat qəzetindəki açıqlamalar isə yalanlanıb. 

 

- Doğrudurmu ki, People in Need təşkilatı Spitak zəlzələsindəki qurbanlara yardım məqsədilə yaradılıb?

 

- People in need 1992-ci ildə Praqada qeyri hökümət təşkilatı olaraq yaradılıb, əsas amalı humanizm, azadlıq, bərabərlik və həmrəylik olub. Bizim fəaliyyət sahəmiz, istiqamət və üstünlüklərimiz, problemin aktuallıq dərəcəsinə və bizim vəziyyəti dəyişmək üçün real imkanlarımızın olub olmaması üzərindən formalaşır. Bizim üçün hər yerdə fəaliyət göstərmək vacib deyil, məhdud sayda bölgələrdə çalışıb, önəmli nəticələr əldə etmək vacibdir. 

 

People in Need-in qurucularından bəziləri təşkilat təsis olunmamışdan 4 il əvvəl, yəni 1988-ci ildə Ermənistanda baş vermiş zəlzələ qurbanlarına humanitar yardım göstərən qrupa cəlb olunublarmış. Biz çox təəsüf edirik ki, bəzi Azərbaycan Kütləvi İnformasiya Vasitələri tərəfindən bu fakt bizim QHT nin ermənipərəst olmasını əsaslandırmaq üçün istifadə olunur. Biz xüsusi vurğulamaq istərdik ki, bizim humanitar kömək və inkişaf sahəsindəki fəaliyyətimiz bütün dünya üzrə bir çox ölkələri əhatə edir, bunlara Əfqanıstan, Suriya, Efiopiya, Filippin, Ukraina və bir sıra başqa ölkələr daxildir. 

 

- Ermənistanla hansı layihələri həyata keçirmisiniz? 

 

- Bizim Ermənistanda fəaliyyətimiz tamamilə humanitar yardım və inkişaf sahəsində olub. Biz işimizdə əhalinin  həssas təbəqələrinin dəstəklənməsinə üstünlük veririk. Təşkilatımız həssas qruplara sosial-hüquqi məsləhətlər təqdim etməklə və sosial xidmətlər göstərməklə kömək edir. Eyni zamanda sosial məsələlərdə maarifləndirici proqramlar həyata keçiririk, məsələn insan haqları və miqrasiya mövzusunda.  People in Need qeyri kommersiya sektorun dəstəkləməyə üstünlük verir. Təşkilat yerli qeyri kommersiya təşkilatlarına və digər vətəndaş səylərinə informasiya və nou-xou təqdim etməyə cəhd edir. Ermənistanda inkişaf sahəsində əməkdaşlığa ümumi büdcəmizin sadəcə 1,5%-i cəlb olunub. Təşkilatın bütün fəaliyyəti haqqında informasiya (maliyyə hesabatları daxil olmaqla) şəffafdır və təşkilatın veb səhifəsinə yerləşdirilmişdir (http://www.clovekvtisni.cz/en/annual-reports). 

 

- People in Need təşkilatının Dağlıq Qarabağ Respublikasını dəstəkləməsi məsələsi doğrudurmu?

 

- Xeyr, bu iddia həqiqətə uyğun deyil.

 

- Vuqar Bayramov iddia edir ki, PİN nümayəndələri tərəfindən Berlin görüşlərində Dağlıq Qarabağın nümayəndə heyətinin iştirakı ilə bağlı PİN təmsilçisinin təklifi olub. Belə təklif olubmu? Olubsa nə məqsəd daşıyıb?

 

- Berlində belə məsələ müzakirə olunmayıb. Hər kəs o görüşlərin protokol qeydlərini Vətəndaş Cəmiyyəti Forumunun rəsmi saytında tapa bilər. http://eap-csf.eu/assets/files/SC-meeting-minutes-Berlin-29-30.06%287%29.pdf

 

 

- Qondarma Dağlıq Qarabağ Respublikasının vətəndaş cəmiyyətinin müstəqil olaraq və ya Ermənistan nümayəndə heyətinin tərkibində Şərq Tərəfdaşlığı ölkələrinin Vətəndaş Cəmiyyəti Forumunda iştirakı ilə bağlı sizin təşkilat tərəfdən təklif olubmu?

 

- Xeyr, biz heç vaxt belə məsələ qaldırmamışıq. Hətta başqa regionlardakı doldurulmuş münaqişə zonalarından olan həmkarlarımızın iştirakı məsələsi müzakirə olunanda belə qondarma Dağlıq Qarabağ Respublikasının nümayəndələrinin iştirakı İdarə Heyətinin toplantısında müazakirə olunmayıb. Şərq Tərəfdaşlığı ölkələrinin Vətəndaş Cəmiyyəti Forumunun İdarə Heyətinin bütün toplantılarının protokol qeydlərini www.eap-csf.eu səhifəsində tapa bilərsiz.  

 

- Sizin təşkilatın Forumda xüsusi statusu varmı? 

 

- Xeyr, People İn Need Forumun sadəcə üzv təşkilatlarından biridir. Sadəcə 2013-cü ildə təşkilatımızın nümayəndəsi 1 illik müddətə Forumun İdarə Heyətinə seçilib.

 

- Batumidə, Forumun açılış günündə əslində nə baş vermişdi? 

 

- Biz 19 noyabr axşamı Forumun keçiriləcəyi məkanda, qeydiyyat stolunun yaxınlığında sərgini qurduq (niyə məhz Azərbaycanla bağlı yuxarıda xüsusi qeyd eləmişəm). Biz səhər ora gələndə sərgiyə qoyulan stendlər onların üstündə nə yazıldığı görünməməsi üçün arxa tərəfə çevrilmişdi. Biz stendləri yenidən düzəltmək istəyəndə Azərbaycan nümayəndə heyətinin üzvü Səlim Balayev plakatlardan birini cırdı və qışqıraraq bizim Azərbaycanı təhqir etməyə haqqımız olmadığını, öz ölkəmizdəki problemlərdən danışmalı olduğumuzu bildirdi.  Biz plakatı yenidən stendə taxanda Səlim Babayev yenidən plakatı cırdı və əlində plakat qaçmağa başladı. Plakatda Azərbaycanın keçmiş prezidenti Heydər Əliyev və hal-hazırkı prezident İlham Əliyev vardı, şəklin üstünə "Ailə Biznesi" sözü yazılmışdı. Üstündən 1 saat keçəndən sonra həmin şəxs cırılmış plakatı qaytardı və biz onu yapışdıraraq yenidən eyni yerə asdıq. Bu dəfə Səlim Balayev siaysi məhbuslarla bağlı stendi iki hissəyə bölərək cırdı. Elə bu vaxt İdarə Heyətinin üzvü olan 2 qadın "Ailə biznesi" stendinin qarşısına keçdi ki, onu yenidən Babayevin hücumundan qorusunlar. Bu zaman Azərbaycanlı nümayəndə fiziki şəkildə onlara hücum çəkdi. O xanımlardan birinin qolları göyərmişdi, çünki Balayev ona fiziki güc göstərərək plakatı yenədin cırmışdı. Bundan sonra Babayev bu məsələni nümayəndə heyətindəki dostlarıyla müzakirə eləməyə getdi. Vacib bir qeyd etmək istəyirəm ki, bu sərginin olacağı öncədən Forumun əlavə tədbirlər proqramında göstərilmişdi, aydın şəkildə proqram bukletlərində və rəsmi internet səhifəsində məlumat verilmişdi. 

 

 

- Niyə Batumidəki Forumda sadəcə Azərbaycandakı siyasi məhbuslarla bağlı stendlər asılmışdı?  Ordakı iştirakçılardan bəzilərinin yaydığı informasiyaya görə bu sərginin keçirilməsinin arxasında erməni aktivist Boris Navasardyan dayanır, bu nə qədər həqiqətə uyğundur? 

 

- Biz Vətəndaş Cəmiyyəti Forumunun üzvü olan 2 kolleqamızın, Anar Məmmədli və Rəsul Cəfərovun həbsindən şok olmuşduq və hiddəqlənmişdik. Onların həbsi Avropa institutları və QHT ləri tərəfindən siyasi əsaslı hesab edilir. Bəli, insan haqları baxımından bütün regionda vəziyyət yaxşı deyil. Amma məhz Azərbaycanda bu sahədə son aylarda həddən artıq pisləşib. Vətəndaş cəmiyyətinə edilən görünməmiş təzyiq nəticəsində bir çox hüquq müdafiəçiləri uydurma ittihamlarla həbs olundular.  Avropa Parlamenti Rəsul Cəfərov, İntiqam Əliyev və digər siyasi məhbusların həbsini qəti şəkildə pisləyən bəyənat qəbul elədi və onların təcili və qeyd- şərtsiz azadlığa buraxılmasını, eyni zamanda onlara qarşı irəli sürülən qondarma ittihamların götürülməsini tələb elədi. 

 

 

http://www.europarl.europa.eu/document/activities/cont/201409/20140930ATT90294/20140930ATT90294EN.pdf

 

Avropa komissarı Ştefan Füle və Avropa İttifaqının xarici məsələlər üzrə ali nümayəndəsi Ketrin Eşton da həmçinin Azərbaycanda insan haqlarının vəziyyəti ilə bağlı narahatlıqlarını bildirdilər və məhz Rəsul Cəfərovun, Anar Məmmədlinin və bir nəfər başqa siyasi məhbusun adını xüsusi vurğuladılar ki, o da Şərq Tərəfdaşlığı ölkələrinin Vətəndaş Cəmiyyəti forumunun üzvü və keçmişdə İdarə Heyətində təmsil olunub. 

 

 

http://en.aidhr.org/?p=1364

 

 

http://eu-un.europa.eu/articles/en/article_14422_en.htm

 

Biz Vətəndaş Cəmiyyəti Forumunun üzvləri olaraq bu vəziyyətə sadəcə susa bilməzdik. 

 

Həmçinin qeyd etmək istərdim ki, Boris Navasardyan hər hansı bir şəkildə bu sərginin təşkilində iştirak etməyib. İdarə Heyətinin digər üzvləri ilə birgə həmin insident yaşanan yerdə olub və bu iştirakın da sərgiyə aidiyyatı olmayıb. Biz onun şəklinin sərgiyə erməni aidiyyatlı olması kimi təqdim edilməsindən də çox hiddətlənmişik. Bir faktı xüsusi ilə və bir daha vurğulamaq istərdim ki, bu sərgini PİN və çex QHT-si olan Neseqnuti hazırlayıb. Başqa hər hansı bir təşkilat və ya şəxsin bu sərginin hazırlanmasında rolu olmayıb. Navasardyan isə sadəcə Forumun İdarə Heyətinin üzvüdür və başqa İdarə Heyəti üzvləri kimi Forumda iştirak üçün orda olub. 

 

-  PİN niyə bu günə qədər Azərbaycanda nümayəndəlik açmayıb? Hansı ki, digər region ölkələrində nümayəndəlikləri olub.

 

- Biz Azərbaycanla işləməyə 2013-cü ildən başlamışıq. Son aylardakı situasiyada göstərir ki, Azərbaycan höküməti beynəlxalq QHT-lərin ölkədə fəaliyyətini xoş qarşılamır. Hal hazırda ölkədə beynəlxalq donorlar və QHT lərlə bağlı istintaq gedir. Hələ də Bakıda ofisləri olan beynəlxalq təşkilatlar artan təzyiq altındadır.  Məsələn, Human Rights House Network Azərbaycanda bütün fəaliyyətini dondurmaq məcburiyyətində qaldı.

 

 

http://humanrightshouse.org/Articles/19132.html

 

 

http://www.eurasianet.org/node/63330

 

 

http://www.rferl.org/content/azerbaijan-activists-ndi-arrested-baku/24929004.html

 

Və ya NDİ-nin bir nümayəndəsi Bakıda saxlanılıb. Bu da bizim orda nümayəndəlik açmamağımıza əsas səbəbdir. 

 

Müsahibəni hazırladı:  Aynur İmranova