Şahin Həsənli: Əsl islam ortaya qoyulmalıdır, əks halda...

Parisdə radikal qüvvələrin törətdikləri terror aktını bütün insanlar, ilk növbədə müsəlmanlar birmənalı şəkildə pisləməli, bunun təkcə həqiqi islamla deyil, bütünlükdə səmavi dinlərlə əlaqəsi olmadığını bəyan etməlidirlər.

“Məşədi Dadaş məscidi” icmasını rəhbəei Hac Şahin Həsənli bunu Turana bildirib.

Eyni zamanda Ş.Həsənli “həqiqi islam”ın nədən ibarət olduğunu ortaya qoymaq kimi həssas bir zamanın çatdığını da vurğulayıb. “Artıq həqiqi islam haqqında təkcə danışmağa yox, onu nəzəri və təcrübi olaraq bəşərə göstərməyə zərurət yaranıb”-deyə Ş.Həsənli islam cameəsinin qarşısında duran ən başlıca prioritetin nədən ibarət olduğunu anladıb.

Onun fikrincə, ilk növbədə terrora münasibətdə siyasi baxışlar, siyasi maraqlardan asılı olaraq “yaxşı terror, pis terror” baxışı bəşər həyatından birmənalı şəkildə kənalaşdırılmalıdır. “Terror hər yerdə terrordur, hədəfi günahsız, məsum insanların canını almaqdır və bu baxımdan bunun yaxşısı ola bilməz”-deyə din xadimi bütün ölkə və dövlətlərdə terrora birmənalı münasibət formalaşdırılmasını önə çəkib.

Avropada yaşayan müsəlmanlara bundan sonrakı münasibətə gəlincə, Ş.Həsənli bu münasibətlərin kəskinləşə biləcəyindən ehtiyatlandığnı vurğulayıb. O, artıq Fransada zorakılıq təbliğ edən məscidlərin yandırılması haqda xəbərlər gəldiyini nəzərə çatdırıb. “Amma hamı bilir ki, radikallar zorakılıq ideyalarını məscidlərdən kənarda təbliğ edirlər, amma bunun bəlasını həqiqi müsəlman, həqiqi din xadimləri çəkirlər”-deyə icma rəhbəri bildirib. O, münasibətlər belə inkişaf etdiyi halda zorakılıq və ayrı-seçkiliyin güclənəcəyi proqnozunu verib. “Amma dünya terrora münasibətdə düzgün nəticəyə gəlsə, eyni baxış bucağından baxsa, əlbəttə münasibətlər normallaşa bilər”-deyə Ş.Həsənli qeyd edib. Gənclərə gəlincə isə bu təbəqə içində düzgün islami maarifləndirmənin aparıcı yerdə durmalı olduğu vurğulanıb, dinin hər cür zorakılıqdan uzaq bir düşüncə və yaşamaq tərzi olduğu təlqin edilməlidir.

Ş.Həsənliyə görə indiki həssas dönəmdə müsəlman xalqlarının, din ailmlərinin, müsəlman ziyalılarınü üzərinə xüsusi məsuliyyət düşür. Onun fikrincə, bütün islam aləmi səmimi, hər cür məzhəb, təriqət təəssübündən uzaq olaraq düşünməlidir ki, hansı boşluqlar radikallara islam adından danışmağa, “Quran”a isnad etməyə əsas verib. Ona görə, bütün islam böyükləri vəhdətə gələrək həqiqi islamı təcrübi və nəzəri baxmdan ortaya qoyulmalıdır. “Proseslər belə davam etdiyi halda bütün müsəlman aləmi, islam dünyası günahkar sayıla bilər, çünki radikal dediklərimiz də dinə, islama isnad edirlər”-deyə Ş.Həsənli durumun nə dərəcədə həssas olmasını önə çəkib. Onun fikrincə, bəzən islam dünyasında da hansısa dövlətlər öz maraqları üzündən, radikallara xoş gəlsin deyə, islam prinsiplərindəın kənara çəkililər. O, deyib ki, belə yanaşmaların nəticəsidir ki, taliban, “əl-Qaidə” və s. və i, son zamanlar isə İŞİD kimi teror qrupları müsəlman ölkələrini, eləcə də bütün dünyanı qan gölünə döndərə bilirlər. “İŞİD neft satır, pul buraxır, özünü dövlət kimi aparır, günahsız insanları məhv edir, amma bu terrora hələ də bütün dünyada birmənalı baxış yoxdur, kimi maraqlarına görə bu terrora “yaxşı”, kimi “pis” baxır”-deyə Ş.Həsənli ad çəkmədən böyük siyasi gücləri qınaq obyeükti edib.  

Azərbaycanda radikal dinçiliyə müsbət baxış olmadığını deyən Ş.Həsənli həm də bu qüvvələrin sosial bazası olmadığını da iddia edib. Onun fikrincə, bu Azərbaycan xalqının islama ənənəvi baxışa sadiq qalmasının göstəricisidir. “Amma bununla belə, arxayınlaşmağa əsas yoxdur, əgər söhbət hər bir insanımızın həyatından gedirsə, o zaman bütün xalq ayıq-sayıq olmalıdır”-deyə radikallığa qarşı mövqeyini ifadə edib. Onun fikrincə, dini icmalar, dövlət qurumları, mass-media əlbir fəaliyyət göstərərək islam aləmini və bütünlükdə dünyanı hədələyən terrordan özünü xilas edə bilər.-05B-