Akif Çovdarovla yanaşı MTN-nin daha 6 keçmiş zabiti həbs edilib

Ötən şənbə MTN-nin keçmiş generalı Akif Çovdarovla yanaşı qurumun daha 6  keçmiş yüksək vəzifəli zabiti həbs edilib. Bu barədə Turana bu işin detalları ilə məşğul olan mənbə bildirib.

General və zabitlər barəsində Səbael rayon Məhkəməsinin qərarı ilə 3 aylıq həbs qətimkan tədbiri seçilib. Həbs olunanlara ilkin olaraq Cinayət Məcəlləsinin 302 (əməliyyat-axtarış qanunvericiliyini pozmaq), 308 (vəzifə səlahiyyətlərindən sui-istifadə), 309 (vəzifə səlahiyətlərini aşma) maddələri ilə cinayət işi başlanıb.    

Mənbə həbs olunan şəxslərə qarşı sonradan daha ciddi ittihamların irəli sürüləcəyini ehtimal edir.

Hazlırda MTN-nin nə qədər əməkdaşının həbs edilməsini dəqiqləşdirmək çətindir. Bu barədə rəsmi məlumatlar yayılmır, ancaq onların sayı artıq 20 nəfərə yaxındır.

Həbs edilənlərdən başqa MTN orqanlarının çoxsaylı əməkdaşları vəzifələrindən azad edilib.

Bütün bunlar oktyabrın 17-də nazir Eldar Mahmudov vəzifədən azad edildikdən sonra baş verib. -03B-