Bakıda Alman-Azərbaycan İqtisadi Forumu keçiriləcək

Alman-Azərbaycan Xarici Ticarət Palatası 23 noyabr 2015-ci il tarixində şirkətləri Ağ Şəhərdə Bakı Boulevard Hotelində keçiriləcək 15-ci Alman-Azərbaycan İqtisadi Forumuna dəvət edir.

Forum Almaniya Federativ Respublikasının İqtisadiyyat və Enerji Federal Nazirliyinin nümayəndəsinin rəhbərliyi ilə alman müəssisələrin Azərbaycana və Türkmənistana səfəri ilə əlaqədar olaraq təşkil edilir.

Rəsmi açılış mərasimindən sonra aşağıdakı mövzularda iki dəyirmi masa danışıqları təşkil olunacaq: 1) tikinti və maşınqayırma. 2) neft-qaz və kimya sənayesi.

Dəyirmi masa danışıqlarından sonra Almaniya və Azərbaycan müəssisələri arasında neft- qaz, maşın və avadanlıq, tikinti və tikinti materialları, ətraf mühit sahələrini təmsil edən şirkətlərlə ikitərəfli görüşlər baş tutacaq. Bu görüşlərdən yeni biznes imkanları əldə etmək, yeni layihələr tanımaq, şəbəkənizi güclü əməkdaşlıq və lazımlı tərəfdaşlar ilə genişləndirmək üçün istifadə etməniz xahiş olunur.

Tədbirdə iştirak ödənişsizdir. Tədbir alman dilində keçiriləcək və Azərbaycan dilinə tərcümə olunacaq. Tədbirə qeydiyyat 19 noyabr 2015-ci il tarixinə qədərdir. Əlavə məlumat üçün bizə (Email: events@ahk-baku.de, Tel: +994 12 4483995) müraciət etməyinizi xahiş edirik.—0--