Elçin Sadıqov və Əvəz Zeynallı barəsində həbs qətimkan tədbiri seçilib /YENİLƏNİB/ /YENİLƏNİB/ /YENİLƏNİB/

Bakı/11.09.22/Turan: Azərbaycan Baş Prokurorluğunun İstintaq İdarəsinin təqdimatını təmin edərək, Bakının Binəqədi Rayon Məhkəməsi jurnalist Əvəz Zeynallı barəsində 4 ay müddətinə həbs qətimkan tədbiri seçib. Vəkil Elçin Sadıqov da eyni müddətə həbs edilib.

Zeynallı Cinayət Məcəlləsinin 311.3.3-cü (külli miqdarda rüşvət alma), Sadıqov isə 32.5, 311 (rüşvət almaya köməkçilik etmək).

Onların vəkillərinin sözlərinə görə, prokurorluq cinayət təqibini  KİV-də yayılan məlumatlar əsasında başlayıb və işdə konkret şikayətçi yoxdur.

Sadıqov və Zeynallı ittihamları rədd edir və cinayət təqibini peşə fəaliyyətləri ilə əlaqələndirirlər.

Hər ikisi cinayət işini uydurma hesab edərək istintaqa ifadə verməkdən imtina ediblər.

Məhkəmə qərarlarından apelyasiya şikayətləri veriləcək.—06B-

*   *   *

2022 Sentyabr 10 (Şəmbə) 22:24:59

Əvəz Zeynallı rüşvət almaqda ittiham olunur, Vəkil Elçin Sadıqov Prokurorluğa aparılıb./YENİLƏNİB/ /YENİLƏNİB/

Bakı/10.09.22/Turan: Jurnalist Əvəz Zeynallıya

Azərbaycan Cinayət Məcəlləsinin 311.3.3-cü (külli miqdarda rüşvət alma) maddəsi ilə  ittiham elan olunub. O qətimkan tədbirinin seçilməsi üçün məhkəməyə aparılır. Bu barədə vəkil Aqil Layıc bildirib.

Onun  sözlərinə görə, Zeynallı özünü təqsirli bilmir.

Cinayət Məcəlləsinin qeyd edilən maddəsində 8 ildən 12 ilədək müddətə azadlıqdan məhrum etmə cəzası nəzərdə tutulur.-0-

*   *   *

2022 Sentyabr 10 (Şəmbə) 21:06:02

Son məlumata görə, “Xural” saytının redaktoru Əvəz Zeynallı saxlanılıb.Vəkil Elçin Sadıqov Prokurorluğa aparılıb./YENİLƏNİB/

Son məlumata görə, “Xural” saytının redaktoru Əvəz Zeynallı rüşvət almaqda ittiham edilərək saxlanılıb. O, şənbə günü günortadan sonra kafelərdən birində saxlanılıb. Fəal İlkin Rüstəmzadə saxlanılma şahidi olub. Onun sözlərinə görə, prokurorluq əməkdaşları Ə.Zeynallını Cinayət Məcəlləsinin 311-ci (rüşvət alma) maddəsi ilə ittiham ediblər.

Axtarışdan sonra Baş Prokurorluğa aparılan Elçin Sadıqova qarşı ittiham irəli sürülüb-düzəlmədiyi hələlik məlum deyil.

2022 Sentyabr 10 (Şəmbə) 20:57:21

*   *   *

Bakı/10.09.22/Turan: Vəkil Elçin Sadıqov onun  ofisində  axtarış başa çatdıqdan sonra  Baş Prokurorluğun İstintaq İdarəsinə aparılıb.

Bundan əvvəl vəkil jurnalistlərə bildirib ki, mənzilindən və ofisindən qeyri-qanuni olaraq peşə fəaliyyəti ilə bağlı sənədlər götürülüb.

O, prokurorluq nümayəndələrinin hərəkətlərini qanunsuz adlandırıb.

Sadıqovun sözlərinə görə, axtarış qərarı verilərkən onun vəkil olması barədə məhkəməyə məlumat verilməyib.

“Onlar məhkəməni aldadıblar”, - Sadıqov bildirib.

Vəkilin hansı statusda Baş Prokurorluğa aparıldığı hələlik bəlli deyil. -21B-

*   *   *

2022 Sentyabr 10 (Şəmbə) 19:28:40

Bakı/10.09.22/Turan: Baş Prokurorluğun nümayəndələri vəkil Elçin Sadıqovun mənzilində axtarış aparıblar. Bu barədə onun həyat yoldaşı Zibeydə Sadıqova məlumat verib.

Prokurorluq əməkdaşları məhkəmə qərarını təqdim edərək E.Sadıqovun apardığı işlərlə bağlı sənədləri götürüblər.

Bundan başqa, onun həyat yoldaşı, həmçinin vəkil olan Zibeydə Sadıqovanın  da apardığı işlərlə bağlı sənədlər götürülüb.

Z.Sadıqova prokurorluğun hərəkətlərini qanunsuz adlandırıb.

Vəkil Aqil Layıc də vəkillərin sənədlərinin götürülməsinin hüquqa zidd  olduğunu vurğulayıb.

Vəkil Aqil Laicin sözlərinə görə, Vəkillər və vəkillik fəaliyyəti haqqında AR Qanununun 7-ci maddəsinə görə,

«peşə fəaliyyətinin həyata keçirilməsi ilə əlaqədar vəkillər tərəfindən toplanılan sənədlər və digər sübutlar, vəkillik icraatları (dosye) istintaq və məhkəmə orqanları tərəfindən tələb edilə və götürülə bilməz».

Dosyeyə nə daxildir, nə daxil ola bilər, nə dərəcədə aiddiyyatı sənədlərdir məsələsini müstəsna olaraq vəkilin özü həll edir, deyə Layıc bildirib.

E.Sadıqovun iş otağında axtarış davam edir.—21B06-

*   *   *

2022 Sentyabr 10 (Şəmbə) 16:42:03

Prokurorluq redaktor Əvəz Zeynallı və vəkil Elçin Sadıqovun evlərində axtarış aparır

Bakı/10.09.22/Turan: Pokuratura "Xural" saytının redaktoru əvəz Zeynallının və vəkil Elçin Sadıqovun ofis və mənzillərində axtarışlara başlayıb

Baş Prokurorluqdan Turan agentliyinə bildiriblər ki, "fakt üzrə cinayət işi açılıb və istintaq tədbirləri aparılır".

Zeynallının  rüşvət almaqda şübhəli şəxs qismində tutulduğu barədə qeyri-rəsmi məlumatlar yayılıb.—0--