Dekabrda inzibati qaydada həbs olunmuş 14 nəfər Nardaran sakini hələ də həbsdədir. Bunu Turan-a qəsəbə ağsaqqalı Natiq Kərimov bildirib.
Cəmi 71 nəfər 30 sutkaya qədər həbs olunub. Onlardan 57-i artıq sərbəst buraxılıb. Binəqədi təcridxanasında 14 nəfər qalır.
Nardaranda əvvəlkitək çevik polis alayı qüvvələri qalır.
Elektrik təchizatı bərpa edilib, qaz qismən verilib. Dekabrın 31-də qəza səbəbindən su verilməsi dayandırılıb.
Xatırladaq ki, noyabrın 26-da Nardaranda xüsusi əməliyyat keçirilib. Əməliyyat zamanı “Müsəlman Birliyi” Hərəkatının rəhbəri Taleh Bağırzadə və onun bir qrup tərəfdarı saxlanılıb. Atışma zamanı yeddi nəfər, o cümlədən iki polis işçisi həlak olub.
Dekabrın 1-də qəsəbəyə DİN-in xüsusi bölmələri gətirilib. Bundan sonra silah götürülməsi məqsədilə axtarışlar və kütləvi həbslər başlayıb.—06B--
Cəmiyyət
-
Cinayət tərkibinin əlamətləri olmayan məişət zorakılığı barədə şikayətə baxılması qaydası müəyyənləşdirilib. Prezident İlham Əliyev bununla bağlı "Məişət zorakılığının qarşısının alınması haqqında" qanuna dəyişikliyi təsdiqləyib.
-
Bu gün, yanvarın 27-də Avropa Şurası Parlament Assambleyasının (AŞPA) qız sessiyası başlayır. Ötən həftə (yanvarın 21-də) bir qrup beynəlxalq insan haqları qurumları AŞPA-nı Azərbaycan nümayəndə heyətinin mandatını bərpa etməməyə, yaxud bunu "aydın" şərtlərlə etməyə çağırıb. "Azərbaycanın vətəndaş cəmiyyəti, müstəqil media və siyasi narazıların artan repressiyası Avropa Şurasının dəyərlərini pozmaqdadır. Azərbaycan beynəlxalq mexanizmlərlə israrla əməkdaşlıq etmir, sistematik insan haqları pozuntularını aradan qaldırmır", - AŞPA-ya məktubda deyilir.
-
Yanvarın 31-dək sənədlərini Səhiyyə Nazirliyinə təqdim etməyən plastik cərrahların şəhadətnamələri ləğv ediləcək. Bu barədə yanvarın 27-də Səhiyyə Nazirliyi məlumat yayıb.
-
Yanvarın 28-də Bakıda və Abşeron yarımadasında hava dəyişkən buludlu olacaq, gündüz yarımadanın bəzi yerlərində az çiskinli olacaq. Gecə və səhər bəzi yerlərdə arabir duman olacaq. Mülayim cənub-şərq küləyi əsəcək. Gecə 3-6, gündüz 7-11 dərəcə isti olacaq.
Rəy yaz