Bazar günü səhər Yerevanda polis bölməsini tutanlar girovları azad etməkdən və hakimiyyətə təslim olmaqdan imtina edirlər. Bu barədə iyulun 18-də Ermənistan Təhlükəsizlik Xidməti bildirib.
Hüquq-mühafizə orqanları vəziyyətin dinc yolla həlli üçün “bütün mümkün vasitələr”dən istifadə edirlər. “Silahlı qrupun üzvlərini yeni qurbanlara və ağır nəticələrə səbəb ola biləcək hərəkətlərə yol verməməyə və silahlı qarşıdurmaya son qoymağa çağırırıq. Bundan ötrü zaman və imkan var”, - məlumatda deyilir.
Uzun danışıqlardan sonra iyulun 18-nə keçən gecə bir polisi, həmçinin təcili yardım maşınının sürücüsünü azad etmək mümkün olub. Lakin girovda qalan dörd hüquq-mühafizə əməkdaşının həyatı hələ də təhlükə altındadır.
Xatırladaq ki, bazar günü avtomat və tapança ilə silahlanmış 25 nəfər Yerevanda polis bölməsinin qapısına yük maşını ilə vuraraq binanı tutub. Hücum zamanı polis polkovniki Artur Vanoyan həlak olub. Podpolkovniklər Aram Ovannisyan və Qraçya Xosteqan, praporşik Qaqik Mkrtçyan yaralanıb.
Onlar hüquq-mühafizə orqanlarının əməkdaşlarını girovluqda saxlayırlar. Onların arasında Ermənistanın daxili işlər nazirinin müavini və polis rəisinin müavini var.
Hücumçular müxalifətçi Jirayr Sefilyanın azad edilməsini və prezident Serj Sarkisyanın istefasını tələb edirlər.-02D-
Dünyada
-
Çərşənbə günü səhər ABŞ prezidenti Donald Tramp Rusiya prezidenti Vladimir Putinlə telefon danışığı aparıb, bundan sonra Ukraynadakı müharibəni dayandırmaq üçün dərhal danışıqlara başlanacağı elan edilib. Tramp bu barədə Truth Social platformasında məlumat verərək vurğulayıb ki, onun fikrincə, əgər o, əvvəlki dövrlərdə prezident olsaydı, bu münaqişə baş verməzdi, lakin artıq baş verdiyinə görə, onu bitirmək lazımdır.
-
Ukrayna Prezidenti Volodimir Zelenski cümə günü Reuters-ə verdiyi müsahibədə ölkəsinin geniş nadir torpaq metallarının yataqlarını əks etdirən əvvəllər məxfi saxlanılan xəritəni diqqətlə araşdıraraq keçmiş ABŞ Prezidenti Donald Trampın “müqavilə bağlama” meylinə müraciət etməyə çalışdığını göstərdi.
-
ABŞ prezidenti Donald J. Trampın Rusiya prezidenti Vladimir V. Putinlə Ukraynada müharibənin mümkün sonu barədə telefon danışığı apardığı bildirilir. Bu barədə New York Post məlumat yayıb. Məlumatda söhbətin nə vaxt baş tutduğu və ya Rusiyanın bunu təsdiqləyib-təsdiqləmədiyi açıqlanmır, bu da Trampın münaqişəyə dair qeyri-müəyyən mövqeyinə yeni suallar yaradır.
-
ABŞ Prezidenti Donald Tramp qlobal yardımları dondurdu, o cümlədən Konqres tərəfindən müstəqil media və informasiya azadlığının dəstəklənməsi üçün ayrılmış 268 milyon dollardan çox vəsaitin istifadəsini dayandırdı. Sərhədsiz Reportyorlar (RSF) bu qərarı pisləyərək, qeyri-hökumət təşkilatlarını, media qurumlarını və jurnalistləri qeyri-müəyyən vəziyyətə saldığını bildirib. RSF beynəlxalq donorları müstəqil medianın davamlılığını təmin etmək üçün məsuliyyət götürməyə çağırıb.
Rəy yaz