Bakı18.09.17//Turan: Bu ilin səkkiz ayında Azərbaycanda ümumi daxili məhsul (ÜDM) 43,7 mırd. manat təşkil edib ki, bu da 2016-cı ilin müvafiq dövrünə nisbətən 1,1% azdır, Dövlət Statistika Komitəsi məlumat verib.
Nominal qiymətlərdə ÜDM istehsalı təxminən 6,1 mlrd. manat artıb. Başqa sözlə, ÜDM-in real göstəricisi azalıb, dəyər ifadəsində artım göstəricisi isə "qiymət qabarması"nın nəticəsidir.
Rəsmi məlumatlara görə, neft-qaz sektorunda ÜDM istehsalı 7,6% azalıb, qeyri-neft sektorunda (27,4 mlrd. manat) 2,4%-lik artım qeydə alınıb.
2017-ci ilin yanvar-avqust aylarında adambaşına ÜDM 4,5 min manata yaxın təşkil edib. Bu, ötən ilin analoji dövrünün göstəricisindən 4,3% azdır.
Beynəlxalq ekspert hesablamalarına görə, Azərbaycanda istehsal edilən ÜDM-in ən azı 60%-i nəzərə alınmır, korrupsiya üçün "yem"ə çevrilir. Azərbaycan nəzərə alınmayan iqtisadiyyatın səviyyəsinə görə dünya üzrə liderdir.08D
İqtisadiyyat
-
Azərbaycanın maliyyə vəziyyəti möhkəmlənməyə davam edir, çünki ölkənin xarici valyuta ehtiyatları 2025-ci il yanvarın 1-nə olan vəziyyətə görə 71 milyard dollar həcmində artıb. Bu rəqəm, həmçinin Azərbaycan Dövlət Neft Fondu (SOFAZ) və Azərbaycan Mərkəzi Bankının (AMB) ehtiyatlarını əhatə edir və ölkənin xarici borcunu xeyli üstələyir; xarici borc ehtiyatların təxminən 14 dəfə azdır. Bu güclü ehtiyat mövqeyi, Azərbaycanın maliyyə sabitliyini və hökumətin strateji iqtisadi idarəetməsini əks etdirir.
-
Azərbaycan Energetika Nazirliyinin operativ məlumatlarına görə, 2025-ci ilin yanvar ayında ölkədə 2,3 milyon ton neft (kondensatla birlikdə) və 3,9 milyard kubmetr qaz hasil edilib.
-
Azərbaycan Dövlət Neft Şirkəti (SOCAR) Albaniyada nümayəndəlik açıb və bu il konkret bir layihənin icrasına başlamağa hazırlaşır, Albaniyanın "Albgaz" şirkəti bildirib.
-
"Azərbaycan hazırda 54 orta gəlirli ölkə arasındadır". Bunu Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov fevralın 10-da Bakıda Dünya Bankının "Dünya İnkişaf Hesabatı 2024" təqdimatında deyib.
Rəy yaz