Bakı/07.04.20/Turan: Bakının kənarında “Atletlər şəhərciyi”ndə (Olimpiya kəndi) karantində saxlanılan onlarla şəxs ötən axşam etiraz aksiyası təşkil edib.
İki həftə karantində qaldıqdan sonra onları evlərinə buraxmayıblar, halbuki, heç birində koronavirus aşkar edilməyib. Karantində qalmalarının səbəbini kimsə izah etmir.
Onlar binanın eyvanlarına çıxaraq “Azadlıq!” şüarını səsləndiriblər, qışqırıblar, müxtəlif əşyaları döyəcləyiblər.
Hadisə yerinə polis dəstələri gəlib, amma adamlar sakitləşmək istəməyiblər. Bir uşaqlı qadın özbaşına binadan çıxmağa çalışıb, ancaq saxlanılıb. Bu, digər adamların etirazına səbəb olub, onlar stul və digər əşyaları küçəyə atmağa başlayıblar.
Əməliyyat Qərargahının nümayəndəsi gəldikdən sonra iki həftə karantində qalan 20-yə yaxın adam evlərinə buraxılıb. Digərlərindən müəyyən edilmiş müddəti gözləməyi xahiş ediblər və nəzərdə tutulan vaxtdan artıq saxlamayacaqlarını vəd ediblər.-02B-
Siyasət
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
-
Azərbaycan Talışlarının İctimai Şurasının (ATİŞ) İdarə Heyətinin üzvü Hilal Məmmədov yanvarın 23-də Dövlət Təhlükəsizliyi Xidmətində dövlətə xəyanətdə ittiham olunan tədqiqatçı İqbal Əbilovun işi üzrə şahid qismində dindirilib. Məmmədovun Turan-a verdiyi məlumata görə, onu Əbilovun fəaliyyəti, elmi əsərləri və nəşrləri haqqında sorğu-sual ediblər.
Rəy yaz