Огтай Гюлалыев
Bakı/10.01.17/Turan: Azərbaycanlı fəal Oqtay Gülalıyev Rusiyanın məşhur hüquq müdafiə internet nəşri olan "Kafkazskiy Uzel" tərəfindən keçirilən "Cənubi Qafqazda öz qəhrəmanını seç" onlayn səsvermənin qalibi olub.
Səsvermədə Cənubi Qafqaz regionunun vətəndaş cəmiyyəti fəallarından hüquq müdafiə sahəsində daha çox fərqlənən 7 namizəd təmsil olunub.
"Siyasi məhbuslarsız Azərbaycan" İctimai Alyansının rəhbərinin namizədliyi siyasi məhbus siyahılarının tərtib edilməsində və onların hüquqlarının müdafiəsində xidmətlərinə görə irəli sürülüb.
Onlayn səsvermə yanvarın 10-da başa çatıb. Onun yekunlarına görə Oqtay Gülalıyev siyahıda lider olub. Səsvermə iştirakçılarının 34,25%-i onu dəstəkləyib.
Helsinki Vətəndaş Assambleyasının Vanadzor (Ermənistan) ofisinin sədri Artur Sakunts 29,69% səslə ikinci olub.
Üçüncü yeri Gürcüstanın Cənubi Osetiya bölgəsindən Tamara Mearakişvili tutub.
Qeyd edək ki, Şimali və Cənubi Qafqaz üzrə səsvermə ayrı keçirilir. -06D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz