Bakı/20.08.19/Turan: Avqustun 19-da "MİDA" MMC Hövsan yaşayış massivində inşa edilən mənzillərə qaz, su və elektrik sayğaclarının alınması və quraşdırılmasına dair 3 müqavilə bağlayıb.
Dövlət satınalmaları reyestrində açıqlanan məlumatlarin təhlili göstərir ki, işlərin dəyəri o qədər də ucuz deyil.
Mənzil İnşaatı Dövlət Agentliyi yanında "MİDA" MMC açıq tenderin nəticələrinə əsasə müqavilələri üç şirkətə verib. "Qaz Oil Building" MMC qaz sayğaclarının, "RF İnşaat" MMC su sayğaclarının, "Bakelektro" ASC isə elektrik sayğaclarının quraşdırılması ilə məşğul olacaq. Bu müqavilələrin ümumi dəyəri 2 936 224 manat yaxud 1 mln. 727,2 min dollardır.
Hövsan qəsəbəsində şəhərcik 11 çoxmənzilli yaşayış binasından ibarətdir. Onlardan yeddisi on səkkiz girişli yeddi mərtəbəli, dördü isə bir girişli on mərtəbəli binadır. Bütün bu binalarda imtiyazlı təbəqəyə aid şəxslərə satılacaq 2962 mənzil var. Beləliklə, bir elektrik sayğacın alınması və quraşdırılması 407,02 manata ($239,4), qaz sayğacının -323,41 manata, ($190,2), su sayğacının - 260,85 manata ($153,4) başa gələcək. 08B
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz