Bakı/08.09.22/Turan: Prokurorluq kriminal xarakterli bütün məlumatları yoxlayır. Bu barədə Turan Agentliyinə Baş Prokurorluğun mətbuat xidmətindən "Xural" saytının redaktoru Əvəz Zeynallının biznesmen Rasim Məmmədovun ailəsindən 20 min manat tələb etməsi haqqında məlumatları şərh edərkən bildiriblər.
Qeyd edək ki, dünən haqqin.az saytı Əvəz Zeynallının bir şəxslə telefon danışığının audioyazısını yayımlayıb. Söhbət zamanı Zeynallı "aldığını qaytarmağa" hazır olduğunu bildirir və Rasim Məmmədovun ünvanına tənqidlərə görə özünə bəraət qazandırır.
Haqqin.az-ın iddiasına görə, Əvəz Zeynallı Rasim Məmmədovun ünvanına tənqidə son qoymaq üçün onun ailəsindən 20 min manat alıb. Ailə Zeynallının razılaşmanı pozmasından narazılığını bildirdikdən sonra o, pulu geri qaytarıb. Yayılan telefon söhbətində məhz bundan bəhs edilir.
Amma söhbəti kimini lentə aldığı və onun mətbuata necə düşdüyü aydın deyil. Lentə alınmış söhbətdə Zeynallının həmsöhbətinin səsi də eşidilmir. Haqqin.az-ın iddiasına görə, bu, biznesmenin ailəsinin vəkili idi.
Zeynallının özü ilə əlaqə saxlamaq mümkün olmayıb. Lakin o, “Xural TV” Youtube kanalında bu ittihamları rədd edərək, onları “sifariş” adlandırıb. Ad çəkmədən bu sifarişi kimin verdiyini bildiyini deyib. Eyni zamanda, o, pulun alınması, və yaxud Rasim Məmmədovun ailəsinə qaytarılması məsələsinə aydınlıq gətirməyib.
* Rasim Məmmədov Baku Steel Company zavodunun keçmiş sahibidir. 2021-ci ilin fevralında o, sui-istifadə, dələduzluq və külli miqdarda mənimsəmə ittihamı ilə həbs olunub. Ona qarşı iddia biznes tərəfdaşları tərəfindən qaldırılıb.
** Əvəz Zeynallı 2011-ci ildə həbs edilib və 2013-cü ilin martında pul tələb etmə ittihamı ilə 9 il azadlıqdan məhrumetmə cəzasına məhkum edilib. 2014-cü ilin dekabrında o, əvf olunub. 02B
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz