Nikol Pashinyan
Paşinyan təsdiq edib ki, Dağlıq Qarabağı Azərbaycanın tərkib hissəsi olaraq tanıyır
Bakı/22.05.23/Turan: Azərbaycanın 86.6 min kv. km-lik ərazisinə Dağlıq Qarabağ daxildir. Bu barədə Ermənistan baş naziri Nikol Paşinyan bazar ertəsi mətbuat konfransında suallara cavabda bildirib, xəbəri Sputnik Armenia yayıb.
Onun sözlərinə görə, bütün hökumətlər Azərbaycanın ərazi bütövlüyünü tanıyıb.
Eyni zamanda, o hesab edir ki, "Dağlıq Qarabağ ermənilərinin hüquqları və təhlükəsizliyi məsələləri Stepanakert və Bakı arasında müzakirə olunmalıdır, bu zaman beynəlxalq zəmanətlərə ehtiyac var", onlar olmadan Dağlıq Qarabağ əhalisi "etnik təmizləmələrə" məruz qala bilər.
Baş nazirə xatırladıblar ki, Ermənistan Ali Şovetinin qərarı ilə o, Dağlıq Qarabağı Azərbaycanın tərkibində tanıyan sənədi imzalamaq hüququna malik deyil, sonradan isə Ermənistan Konstitusiyası bu qərar əsasında tərtib edilib.
Buna cavabda Paşinyan deyib ki, 1989-cu ildə Ermənistan Ali Soveti və Dağlıq Qarabağ Vilayət Soveti Ermənistan və Dağlıq Qarabağın birləşməsi haqqında qərar qəbul edib. 1990-cı ildə Ermənistan yuxarıda qeyd edilən qərara da istinad edərək, Müstəqillik Bəyannaməsini qəbul edib.
Daha sonra, 1991-ci ildə Dağlıq Qarabağ öz müstəqilliyini elan edib. Belə bir sual yaranır - kimdən müstəqilliyini? Əgər Ermənistandandırsa, bu, yuxarıda qeyd edilən birgə qərarın pozuntusu deyilmi? Pozuntuya yol verilibsə, qərarı pozanlar niyə məsuliyyətə cəlb edilməyib? Azərbaycandan müstəqillik elan edilibsə, yenə də, bu, Ali Sovetin və Vilayət Sovetinin birgə qərarını pozmurmu? Axı, Dağlıq Qarabağ Ermənistanla birləşibsə, indi Dağlıq Qarabağ kimdən müstəqil olur?
1998-ci ildə Ermənistanda hakimiyyət dəyişikliyi baş verib və Yerevan Dağlıq Qarabağı danışıqlar prosesindən sıxışdırıb çıxarıb, bundan sonra danışıqların əsası kimi "ümumi dövlət" prinsipi götürülüb. Bu varianta əsasən, Dağlıq Qarabağ Azərbaycanın tərkibində müəyyən növ birlik idi.
Sonradan nizamlanmanın Madrid prinsipləri qəbul olunub, burada Dağlıq Qarabağın statusunun Azərbaycanla birlikdə gələcək referendum yolu ilə həlli nəzərdə tutulurdu.
Gələcək referendum Ermənistan və Azərbaycanla razılaşdırılmalı idi. Belə bir sual yaranır, Dağlıq Qarabağ artıq öz müstəqilliyini elan edibsə, Azərbaycanın buraya nə aidiyyatı var?
"Danışıqları Dağlıq Qarabağ özü aparmırsa, məsələ avtomatik olaraq ərazi münaqişəsi müstəvisinə keçir", deyə baş nazir bildirib. 02D
Siyasət
-
ABŞ Prezidenti Donald Tramp cümə günü Ukraynadakı müharibənin dayandırılması üçün danışıqların davam etdiyini, münaqişənin həllinə sadiq qaldığını, lakin bunun çətinliklərlə dolu olduğunu etiraf etdi.
-
ABŞ-ın CBS telekanalının cümə axşamı verdiyi məlumata görə, Pensilvaniya ştatının Filadelfiya şəhərində kiçik tibb aviasiyasına məxsus LEAR-55 tipli təyyarə yaşayış ərazisinə düşüb. Göyərtədə ekipaj üzvləri də daxil olmaqla altı nəfər olub.
-
Özbəkistanın Xarici Vətəndaşların Vizası və Qeydiyyatı İdarəsinin (UVVİOG) və Azərbaycanın Dövlət Miqrasiya Xidmətinin nümayəndələri biometrik ID kartların sərhəd keçidi üçün qarşılıqlı tanınması məsələsini müzakirə etmək məqsədilə onlayn danışıqlar apardılar. Görüşdə hər iki ölkənin Xarici İşlər Nazirliklərinin konsulluq və hüquq departamentlərinin əməkdaşları da iştirak etdilər, Dunyo xəbər agentliyi məlumat verib.
-
Fəal Clalə Cavadov saxlanılıb. Onunla saat 16.00-dan əlaqə kəsilib.
Rəy yaz